如果係五月天迷既應該都對離線咖啡有印象, 就係五月天成員瑪莎開既CAFE啦!! 唔該比我尖叫一下先! WOWOWO!!!!
之前去過五月天阿信開既STAYREAL CAFE, 杯香蕉LATTE到依家仲念念不忘, 仲有個鬆餅呀!! 阿信!!!
不過今次揀去既係離線咖啡, 係幸晴爸提議架, 佢話要幫我圓夢呀! 事關上次黎咁岩撞正佢休息……
今次因為趕時間, 所以我地打的去, 其實同台北車站好近架, 想當年我地行完係行返去台北車站架, 順便行埋台北車站地下街, 所以就算行左半個鐘以上都覺得行得好舒服! 不過的士司機話有2個華山, 我地話紅磚佢都唔能夠滿足佢, 最後係開GOOGLE MAP佢先知道我地要去邊
地址及前往方法：台北市八德路一段1號, 華山文創園區紅磚區西7-1, 忠孝新生1號出口，再行去華山文創園區就搵到, 記住係靜D果邊既紅磚區, 另一邊多人好多, 同埋有好多新人係度影結婚相架! 我去2次都見到!!!
今次終於有開門啦! 佢個門口真係好唔起眼, 我2次黎, 2次都錯過左, 係幸晴爸叫停我先知過左龍
見到披頭四公仔就知冇去錯地方啦!
呢度係SELL大家一齊OFF一OFFLINE, 靜靜地寫意地去享受一杯咖啡/茶既時間, 不過雖然OFFLINE左, 但都忍唔住拎相機周圍影, XDDD
呢度係得飲料, 冇食物賣架! 我地因為趕時間, 但又要圓夢, 所以兩個人都叫凍飲….一杯特色奶茶, 一杯焦糖瑪奇朵咖啡
特式奶茶係用好立克開, 飲落會有啖啖好立克味, 如果你唔鍾意好立克味但又堅持想要奶茶, 都可以叫店員轉返普通奶既
焦糖瑪奇朵 — 幸晴爸繼續用”OK啦” HEA我…..
雖然唔係親子餐廳, 不過呢度有大象, 彼頭四公仔, 仲有D畫, 幸晴都唔會覺悶, 不過我地都係逗留左半個鐘就閃啦!
其實華山都仲有好多野行架, 有時間既朋友可以慢慢行下
總結, 鍾意五月天又或者彼頭四既點都要去潮聖, 至於對佢地冇咩興奮但又想扮文青既都可以去呀! 華山好岩做假文青, 係度影相好有FEEL架~~~
原文轉載自: https://wow.esdlife.com/space.php?uid=63794&do=blog&id=276974
