半年前就知道best friend要結婚，而且婚禮要系布吉島擺！實在係未出發先興奮。最近明星都好興去巴厘島布吉島舉行婚禮，今次終於到我地感受下海島婚禮既氣氛！
3月份買定10月份既機票，連稅只需要$1250。
機票搞掂之後，酒店就由新人負責包，所以今次行程好輕鬆，置於佈置出嫁酒店房就去到酒店先搞。婚禮場地佈置都無搵wedding planner，全部酒店包曬。新人同我哋自然就輕鬆好多啦。
第一日
星期六晚上去到布吉已經當地時間12點，國際機場9月份裝修左，有新又乾淨，第一次去普吉島，比想像中好好多！
喺布吉自己揸車其實最方便，因為其實叫tuktuk同taxi都有D困難，特別係因為我哋唔住喺Patong區或者Kata海灘附近，而選擇距離普吉鎮20分鐘車程的Sri Panwa Villa（結婚酒店）。租4日車都只需要$900港幣，所以都算reasonable。
推薦租車yes away，有中文翻譯又可以系機場還車，超方便！
https://www.yesaway.com/car_rental/?controller=front&action=index
第二日
去到布吉訓醒一覺，第二日天氣超好！因為4日既旅行只有1日時間系自由活動，其餘時間就要籌備婚禮，所以我地點都要玩盡！
由於10月初泰國國王駕崩，所以好多活動場所都無開，布吉島路上都感覺比較冷清。我地就揀左間café食個靚靚早餐先開始出發。
我地揸車由東部一路往南，去到hat rawai，落車行左一陣海灘。由於時間關係我地join唔到小島一日遊，其實我都好想去浮潛或者潛水。唯有等下次啦……
當然唔少得要食當地生果先算黎左東南亞。細細個菠蘿超甜超爽，依家捻起都流口水！
下午去到kata海灘天氣就放晴，同行嘅朋友仔就好hyper地話要去玩水。今個夏天我本來已經曬得好tan，不過難得嚟到海灘，就繼續曬黑，融入當地市民嘅膚色啦！哈哈哈～
租左張沙灘椅坐下又玩下水再影下相，一個下午都已經夠曬chill啦！
傍晚天色又開始轉陰，我地再往北開，去到patong海灘。呢度應該算系布吉島最旺既遊客區，大大小小既酒吧餐廳商店。雖然唔系旺季，但都見比較多歐美遊客。
食左餐豐富海鮮餐之後，本來想行下，但發現商業街既酒吧就關曬門，顯得有D冷清。所以我地就決定返酒店休息，再做個spa就過完滿足既一日啦。
第三日
滂沱大雨，雖然天氣唔好，但好彩第三日任務只系來回機場接賓客同婚禮彩排。
下午搞掂之後，free time我就系酒店做左個精油massage。1599泰銖大概三百幾港幣，有1個半鐘時間，真系太太太抵啦。
guest 4星海邊酒店推薦 Panwa beach resort: https://www.panwaboutiquebeachresort.com/
淡季只需要$300-500一晚，平時要1000以上噶～系有私人沙灘，2個游泳池，寬敞好舒服。
夜晚去到一間英國人開既沙灘邊既餐廳食泰國菜，我系男方親友個邊，所以當系bachelor party，雖然無飲醉，不過都算系盡興而歸。早D返酒店為第二日婚禮作準備。
第四日
天公作美，Big Day個日如願天氣放晴，新郎同新娘子都放心曬！
因為呢對couple都系我既best friend，所以我又做姊妹，又做兄弟。我當日既任務就系要負責搶親環節既遊戲，敬茶環節同婚禮入場前既賓客招待。
酒店推薦Sri Panwa: https://hotel.hutchgo.com.hk/retailhotel//hotel_detail.aspx?search=60004467,26/10/2016,29/10/2016,2,HKD,2
新娘子自己帶埋喜字貼紙、氣球佈置新房。
兄弟團得閒就snap多幾張花絮啦～
姐妹團都索爆～～～
搶親環節結束之後去到婚禮場地，時間已經好緊迫。由於我要負責做婚禮主持既翻譯，但只有十幾分鐘時間同MC做briefing，臨時改左D script搞到我好緊張～～～
好彩partner lead住我，所以都算順利啦。天台好大風，吹到個頭亂曬lu～
婚禮場地個view真系無敵amazing，位於酒店一個叫Baba Nest的屋頂平台。雖然地方不大，但足以容下40位賓客。酒店本來就是建在山上，所以婚禮場地的270度無敵海景，一覽無餘。簡單的白色蝴蝶蘭就已經能襯托出幸福溫馨的氣氛。
woo~~~ so sweet!!!
場地佈置+新娘手上既花球（蓮花）都系由酒店負責嘎。
行完禮就準備落雨，呢個veiw都充滿神秘感！
晚上，我地就系酒店的baba pool club食飯。當晚系包場，食物、酒水、佈置都系酒店準備，大家可以玩到幾點都得。問過新人，大概一人要$1000港幣左右，食物系4個人share，酒水任飲，其實同香港既酒席比，都唔會相差太遠。
酒店準備埋開香檳儀式。
每位guest面前都會有一份結婚禮物（蜜糖+花茶）、名牌、蓮花、精緻餐具。
我地雖然人少少，但場地既佈置令人覺得優雅而又溫馨。菜式系泰國菜，仲有好多特別既cocktail。
我飲左2杯香檳就面都紅曬。
第四日下午飛機返香港，雖然未玩夠，但都已經好完滿啦～下次希望呢個旅行group可以再一齊出去玩！
More photos on instagram: https://www.instagram.com/peachchubb/
follow 左hutcho個fb fan page,其實距地有時都會出D東南亞平機票，所以大家唔好miss左D最抵既機票啦～
