好多人以為鹿兒島無乜嘢玩，所以就只會因為買左JR PASS，而諗住由最北嘅福崗搭JR到最南嘅鹿兒島咁就係最抵喇，結果只會玩一兩日有D到此一遊就算咁。
其實鹿兒島好多地方都好靚，亦好值得去睇一睇，仲有D嘢食好正㗎，雖然唔可以話係必食定人氣，但總之睇相都應該幾吸引到人想去試下㗎 !
櫻島 – 火之島會惠館
去得鹿兒島，多數都會去櫻島半日遊，因為買巴士卷搭一個圈就遊左大半個櫻島。櫻島有咩特別 ? 就係仲有個都幾活躍既火山囉，而D火山灰咁有營養，所以櫻島可以種出全世界最大嘅大根，同埋全世界最細嘅蜜柑。島細細但坐過去果隻船就超大，自駕嘅就連車都可以上埋船，同埋仲有間食店兼手信舖，食店入面必食嘅就係火之島御膳喇~真係又平又抵食呀 !
我哋入櫻島果程坐呢款船，上船呢層就係泊車嘅，之後要上一層樓梯就有位坐喇~
隻船超大又少人，我地包船咁滯 !
真係大到……
入左火之島惠館門口，就即刻見到咁大棵「大根」喇 ! 大過孖女個頭….
呢個就係火之島御膳，1050YEN，好味㗎，份量又多到食唔晒，唔知而家有無加價呢?
怕羞嘅爸爸唔覺意上左鏡添…
門口外面就種緊大根喇~
回程搭另一款船，一樣咁大咁靚~
呢款船仲有軟墊區添~
南洲館 – 熊襲鍋
玩完櫻島，夜晚就去左食好出名既熊襲鍋，要預先預約，但一D都唔難，上網可以搵到好多教學。個鍋真係好大，其實就好似打邊爐咁，但有專人晌你面前煮，好似睇緊表演咁，同埋最特別我覺得係上左個酒店房入面食，不過房入面張床就搬走左嘅，我自己覺得係好食嘅，尤其是我係冬天去，食完暖笠笠，唔駛著褸落樓都唔覺唔凍呀~
預約左所以房門口有我個名啦~
一入到黎就見到呢鍋嘢喇~
黑豚肉都係鹿兒島出名嘅~(呢度係4大2小嘅份量)
最尾係有埋麵架，其實已經好飽架喇，但都會好味都食得落架 !
當然唔少得甜品啦，都係鹿兒島出名嘅白熊雪條~
指宿 – 唐船峽流水麵
有一日我地去左指宿，指宿最出名嘅係流水麵，雖然我地去嘅時候係冬天，但都一樣好味 !
搭指宿玉手箱號時買咗個布丁食下~
搭完JR至租車自駕，因為指宿交通太唔方便啦，巴士D時間好難就。
去到就可以自己揀位坐，買嘢食時會有個坐位表俾你睇返自己揀左邊張枱，之後就有人將食物送嚟俾你㗎喇~
流水麵個餐有埋前菜同飯團嘅
孖女話好好味，有暖氣所以冬天嚟食都OK㗎~
左邊係室內我地食麵嘅地方，左邊就係買嘢食嘅地方~
右邊係木搭嘅厠所，無異味，但係踎厠小朋友唔係好慣。
夏天嚟嘅話就可以坐出面呢D露天位喇~冬天就太凍喇….
夏天坐滿人氣氛應該會好正~
門口仲有個魚池同一個小社舍~
高千穗牧場
其實高千穗牧場係位於宮崎，但同鹿兒島都好近，所以去開霧島都可以去埋呀~嚟得牧場就點可以唔飲杯新鮮牛奶呢，而原來牧場內餐燒牛就更加不得了，係宮崎牛真係唔同D，諗起都想再去食多次 !
(老公又唔覺意上鏡喇)
老公揀呢款貴D 5千幾YEN
我呢款平D 3千幾YEN
孖女就兒童餐啦~
黎得牧場唔少得睇下馬牛羊咁啦~
仲有車仔玩下添，同埋見到其他人會滑草同放風箏呀~
旅行人山莊 – 一泊二食 (晚餐)
去得霧島，當然要住下溫泉旅館。其實網上對於遊行人山莊一泊二食嘅評價唔算高，但我地係鍾意佢山上嘅野外溫泉而黎，同埋旅館嘅服務真係一流，超有禮貌又細心，我地係第一次住溫泉旅館，所以食物嚟講我地都已經覺得唔錯㗎喇，真係要第時住多幾間溫泉旅館至有得比較下喇~
大人晚餐，唔係好記得次序喇，一上菜就影吓相咁啦~
兒童餐
因為之前果日係孖女生日，所以有份小小生日禮物~
打開之後係咁嘅
美食代言人咁嘅樣~
呢個緊張樣更加表達到唔好同佢爭食….
食飯間房好大，食完仲可以玩下跳下舞~
旅行人山莊 – 早餐
大人早餐
兒童早餐(未齊架)
酒店大堂其實無咩玩，小朋友可以踩呢架唯一嘅三輪車，大人可以坐下按摩椅，或者再去大浴場，再唔係就去後園都可以浸足浴~
鹿兒島機場 – 國內線
要回程喇，唔捨得走㗎，唯有食多個LUNCH就算啦~國際線果邊無咩嘢食，行5分鐘去國內線就多D手信舖又有多D餐廳喇~
呢間多款式，我地揀左呢間~
唔少得兒童餐啦~
我同老公都係求其食D嘢咁，求其得嚟都OK好食㗎~
#寫出你遊歷
#說走就走 #嘆美食
