2015年12月27日[日]
HOBART > OATLANDS > LAUNCESTON > NABOWLA > LAUNCESTON
沿住1號公路一直北上就到TASSIE第二個主要市鎮LAUNCESTON，
早上CHECK OUT前帶袋寶到附設PLAYGROUND留下腳印…
呢個步驟很關鍵，影響到打後三小時車程會唔會發脾氣，
當日仍然好凍凍凍凍，印象中上次來明明無咁凍，點解今次會咁凍。
1號公路上有很多咖啡色路牌，TAS景點路牌仲會附圖，
揸一條100KM/H公路睇圖真係…好危險～
而我老公一路揸就一路想DETOUR中途去下啲景點，
最後我們被WIND MILL圖吸引了，
去了OATLANDS內的CALLINGTON MILL地方，
一個充滿SANDSTONES HOUSE，極度HERITAGE小鎮，
我睇中咗佢入面一家外觀靚靚CAFE…[我個人比較表面]…
而WIND MILL剛剛在那家CAFE正對面，
下車後我又後悔帶咁少衫，寒風凜凜。
成個鎮都好靚，加埋個WIND MILL好有意境。
而那WIND MILL亦會造面粉…突然諗起BEN and HOLLY’s LITTLE KINGDOM卡通片，
有集就係講ELF係WIND MILL入面造面粉，FAIRY來個MAGIC爆面粉，
去到當然要又去下PLAYGROUND留腳印。
不過我中奬了，好去唔去去咗山旯旮最大風位置，
就因為咁至會建WIND MILL係樹，
真係好大風同凍凍凍。
看中的CAFE觀光後終於有機會入去，
THE PANCAKE & CREPE SHOP，
幸運地有位置，成間CAFE非常HOMIE，
亦係成個地方唯一覺得係正常溫度…暖。
不過咖啡就不要太高要求，山旯旮唔好奢望太多。
飯後我們繼續一直上，邊行邊拍照，
有時行錯路，就順面下車影相。
到達LAUNCESTON，第一樣係CHECK IN，
到達時滿心歡喜，個樣真係好靚[我又好表面了]，
入內才知中伏。
先不講住宿，傷心事遲啲先講，
因為行程緊迫，
我們下行李後出發向東北，
去有名薰衣草園朝聖。
由LAUNCESTON大概開車50-60分鐘…
因為好遲至出發，有點擔心佢地早收會摸門釘，
好彩佢地閂五點，仲趕得切去。
上次去TAS都有去過，不過係一月份，
今次十二月去真係靚好多，
強力建議有得揀就揀十二月去，
一月份時有大半田收割咗，
無咁多薰衣草靚景。
入場就收每人$10，
咁遠來無理由唔入去，
只好一路嗌貴一路俾錢~
好想講，呢個地方啲手信好呃錢，
款式土到唔恨之外，價錢好貴，
除咗精油夠濃味仲覺得價錢可接受，
我勸大家慳番啲錢買嘢食算了。
附屬有家CAFE，大家不妨試下薰衣草雪糕，
質感食到我老公變咗樣，
唔係難食，只係接受唔到食落口好似好漿嘅雪糕，
但係LAVENDER精油味XDDDDDDDDDD。
個FARM未收割時真係好靚好靚好靚，
我們四點幾至到，旅客唔多，
光線亦唔錯，影相一流。
成個山都係紫色，真係靚到暈。
回程後到LAUNCESTION食晚飯，
是晚我強力要求吃亞洲菜，
第一日喪食海鮮真係食到怕。
而CITY入只有一家泰國菜。
我好想講，間嘢十年前都有去過，
雖然人面全非，但內裡裝潢都差唔多。
而最令我印象深刻就係男侍應，
五呎三四高，但佢個妝，個妝，
化到做大戲咁，條眉完全係同如花一樣樣，
眼影，唇膏…乜料呀，使唔使化咁濃，
又唔係萬聖節!!!!!!!!!!!!
我老公仲話唔好理人咁多，你係男人梗係唔敢望佢，
一陣望一望以為有機會!!!!!
好想CAP如花圖，
但會摧毀我以後嘅旅遊BLOG變為高登BLOG XDDDD。
間嘢啲飯真係好好味，餸菜可以，
但價錢係爆貴，貴悉尼同質素食物三四成，
但我對白飯慾望已經覆蓋咗個貴字。
袋寶玩自拍，最後佢只淪為配角＝＿＝[見圖]
囧咗，
前兩日去睇其他人旅BLOG，其中一位BLOG友亦有以上情況，
難道住在TASMANIA很少拍照，恨不得入人家鏡頭？！？！
飯後返回住宿，袋寶又叫番屋企。
雖然房間比之前大三倍，
但乾淨程度好一般，我地仲要瞓兩晚…
連我老公都話瞓過張床會痕痕地。
啲樓梯行落去好似有陷阱咁，
隔音好差，兩老投訴隔離間房嘈到兩點，
但佢地係投訴個廳，
房內我又唔係太聽到。
以為廁所喺下層會有覺好瞓，
原來係唔會，
張碌架床因為太化學關係，
當晚小兒瞓下格，老公瞓上格，
我把隔離單人床拍埋一齊等袋寶唔會跌落地。
成晚張床郁少少都會有聲，
小兒因為聽見老豆轉身時發出嘅聲，
成個人嚇到醒咗，仲同我講：有嘢
陌生地方講有嘢，真係令人亂諗嘢!!!!
仲要瞓兩晚，夜晚我仲會去下層廁所，
一路行條樓梯一路E E聲，
你都咪話唔驚!!!!
原文轉載自: https://wow.esdlife.com/space.php?uid=17963&do=blog&id=292910
