離開食飽飽, 坐返船去廣島, 再上旅遊巴向山口進發。
小熊貓亦訓呀訓…
HEI HEI就努力係車上寫明信片~!!!
寫下寫下就到左山口縣岩國市的錦帶橋。
好寧靜的地方, 冇咩人, 旅遊巴… 只有我地一架。
附近有遊客中心, 有D小食店, 同埋紀念品的鋪頭。
… 都係同錦帶橋有關的產品… 什至有Hello Kitty Crossover 的產物。
HEI HEI主要都係買明信片同埋蓋印。
呢兩張分係錦帶橋的遊客中心蓋印及買的片,
好寧靜的地方仲有一個原因… 就係小熊貓訓左!!!!
唯有又係攬住佢影下相, 到此一遊~!!!!
係錦帶橋逗留時間好短, 因為仲要開車返福岡…
好似20分鐘左右就離開了。 希望有機會再黎, 行下錦帶橋!!!!
呢個旅程行過好多橋, 仲有… 關門橋!!
關門橋係山口縣下關市與福岡縣北九州市門司區間橫跨關門海峽的橋。
我地亦係呢度去下廁所, 埋下休息站。
婆婆又話要買野飲… 買左呢枝…
中伏… 好難飲呀~!!!!
另外, 山口縣其中出名既係河豚,
呢個休息站有D 河豚既餅好好食~!!! 後悔買得太少~!!
休息站又有印印… 印好再拎返去福岡寄。
返到福岡食任食火窩, 冇影啦… 冇特別。
再返酒店 (Grand Hyatt Fukuoka) ,
行下附近夜市商場 (明明好多野行, 但跟團就返到去都已經閂晒門),
去星巴買杯栗子特飲 + 藥妝店買D退熱貼無比滴就返房了。
同導遊訂左D野食,
認真唔錯, 雖然貴… 冇法啦, 係要比人賺既。
雖則小熊貓冇得食, 但佢非常HAPPY~!!!
原文轉載自: https://wow.esdlife.com/space.php?uid=22003&do=blog&id=308343
