親子外遊 。台中嘉義 。Day I 。Part III

郊外地方, 對我地呢D城市人… 係一個非常好既活動地點~
一落車小熊貓就周圍行了~!!!(上左圖)
要我追住…. 兩旁係紅紅既荔枝樹~!!! 好香荔枝味~!!!

我地由千禧吊橋起步, 過溪入公園; (我覺得係河…唔係溪~ )
上橋過溪前有D 戶外KTV… 好舊式既, 有D大叔係度唱歌…好好笑,
又有D 入錢坐既電動動動車… (又係好舊式, 荔園FEEL )

到千禧吊橋啦, (上中圖)
小熊貓就開始怕怕~!! 唔敢再亂走~!
要爸爸抱抱啦~!!!

到步~! 有D小攤檔, 賣下農產…
又有D 童玩, 小熊貓係咁指住D Peppa Pig 汽球叫.. “Pig Pig Pig….”
咁又抱佢睇下, 叫佢同Peppa Pig講拜拜, 就繼續行程~!!!

公園真係一個好好放電既地方….
小熊貓… 又走呀走呀~!!!!
走到野薑花步道, 木棧道咁, 斜斜地…
幾好行, 小熊貓都自己行~!!! (上右圖)

阿均又遇到朋友… 又要充當攝影師幫手拍照~

完成野薑花步道, 我地就坐一陣飲下水,
休息下… 再向天空走廊進發~!!!

天空走廊, 可以高角度欣賞下公園既風光~~~

之後行吊橋就怕怕…
而家到天空走廊, 小熊貓就愈來愈大膽…
個地下好多隆隆都唔怕~!!! 仲可以係咁跑+坐~!

落返天空走廊, 我地再走到戶外教學觀景區… (下左圖)
換下片片… 又休息下,
小熊貓仍放電中…
同埋開始收熱頭了, 賣小食既檔攤都開始收工了~!!!

我地亦回程… 慢慢行返出公園…
一邊行, 又有D 伯伯向我地兜售農產品 – 香蕉~!!!
(有台灣朋友阿均翻譯, 因伯伯講台語, 我地唔明)
但… 只係旅程既第一日, 仲要係香蕉… 一大抽, 起碼廿隻個種…
點買呢~ 只好說再見~!

落山….
雖然收左熱頭, 陰陰天… 但真係好熱…..
係時間食雪糕啦~!!!

睇下小熊貓個為食樣~!!! (上右圖)
影相都係望住雪糕唔望我呀~!!!!

慢慢沿住溪邊行返出公園~!!
背後就係弘景吊橋 (下圖) , 再加埋D夏天先有既黃色花花,
簡單公園影下相都唔錯呀!!!

經過幾個鐘既放電….
我地行到出公會門口既小火車…
小熊貓就訓左啦~!!!!!!!!!!!!

小火車係可以上去影相既, 但小熊貓訓左, 我地就係車頭影下就走了~!!!
開車返嘉義市啦~!!!!!! 去超市買少少飲品準備 翌日到阿里山用, 就回民宿休息下。

再係附近食晚餐, 魯肉飯好味道~!!!!!

再… 行下書店…

HEI HEI 每次去台灣都會狂去書店買手工野…
不過今次開始, 轉移目標… 童書~!!!!!!!
嘉義市都有HEI HEI好喜歡去既墊腳石書店,
雖不及台中的旗艦店, 但對比香港既書店都已經好大好大分別~!!!!

童書的一角…

… 瘋狂呀~!!!

不過, 又因係第一日, HEHEI非常忍手,
只係買左少少… 再加上出發前係博客來網上訂好,
在台中酒店附近的7-11取貨, 所有… 忍手…
(仲有而家博客來宅配香港都平左好多, 唔想再托返黎, 遲下同大家分享)

好攰既第一日… 完…

返到民宿, 民宿主人仲整左甜品比我地,
FULLLLLLLL 好好味呀~!!!