#寫出你遊歷 #hutchgo資助旅費1000蚊
每年到左秋天
都非常嚮往去一個比楓葉包圍著既地方
今次選擇左首爾
建議大家出發前都上網睇下首爾各地楓葉全盛時期
唔同既山都有自己最茂盛既一個時期
由於我去既月份已接近楓季尾聲
所以只係去左南怡島同內藏山
第一個賞楓點: 南怡島
去南怡島有兩大方法
一: 跟團
無交通煩惱
二: 坐地鐵京春線(加平站)
停經車站多，省錢但費時
三: 坐火車ITX青春號
停經車站少，許多過站不停，省時但稍貴
註: 建議想去埋小法國村、晨靜樹木園既朋友
可以參加一日團 或者 買加平循環巴士票(一日任搭)
今次我地行程唔多，所以選擇左慢慢坐地鐵去
到左加平站後
一出門就會見到巴士站及的士站
南怡島站落車後仲未到架
仲要買船飛/ZIPLINE過去
***極度推薦ZIPLINE
因為你坐ZIPLINE就好似你自己就係果架航拍機
一眼飽覽南怡島的秋天美景
雖然南怡島距離市中心一段時間
但我相信呢度既靚景絕對唔會令你後悔
第二個賞楓點: 內藏山 – 含有「山內所藏無窮無盡」之意
十一月頭內藏山既楓葉係全盛時期
除左遊客之外 好多老友記都會黎登山
由於內藏山位於全州 所以同首爾市中心有一大段距離
我地跟左LOCAL TOUR
5點半係弘大上車 11點到達目的地
呢度既楓葉茂密程度係非常狀觀
聽導遊講如果好天的話
路程中段既化亭可以影到天空之鏡
可惜天公不造美 全日都落雨
就是因為有所遺憾 才會給自己再來一次的機會
今次首爾既尋楓之旅十分歡愉
市中心更被金黃的銀杏包圍
生活係四季分明既地方 真係幸福呀~
