以前喺我心目中，布魯塞爾並唔係喺我口袋名單必去嘅城市，所以之前一直都無去呢度，但我錯啦！！實際上去左布魯塞爾先發現佢其實係一個好活躍嘅城市，雖然治安係比荷蘭同其他國家亂少少，但以旅客黎講，注意自己去嘅區域同埋行李安全，依然係好正嘅觀光城市。
喺布魯塞爾，放工後嘅時間，喺路上總係可以見到好多人攞著啤酒傾計，大廣場上都可以見到好多學生或放工嘅年輕人，席地而坐，或者喺街邊跳街舞，一切都非常嘅舒服又美好，我真係好鍾意傍晚嘅布魯塞爾。
見到網路上幾多人都話，其實布魯塞爾市區景點用一天就可以行完，而我都係一天就行完晒呢啲景點！
紅色點點係我住嘅地方，而證券交易所其實係熱鬧區域嘅中心，靠右邊嘅區域整體地勢較高，都係比較多重要機構所在嘅位置，皇宮、重要機關、教堂遍佈喺呢區。對布魯塞爾嘅大概介紹就到呢度～～
我今次住喺Place Sainte-Catherine旁邊，大概有三分鐘距離啦，呢邊直接行到證券交易所都係相當方便嘅，呢度算係一個比較安全又安靜嘅區域，周邊都有小餐館同雜貨店，行到證券交易所就有地鐵。
咁啱呢次住宿嘅地方離證券交易所最近，咁就我由呢度開始啦！由呢邊開始行，就等於係進入左古城區，都係最熱鬧嘅區～
喺路上可以見到好多呢種類似貝殼嘅標示，呢啲亦都係代表朝聖嘅方向！好特別！有好多地方都可以見到嘅～
喺荷蘭嘅幾天一直都喺度落雨，終於到布魯塞爾嘅呢日天氣稍微放晴啦，連心情都輕盈起來。
路邊可以見到無限多嘅尿尿小童，見到他們光溜溜又被人鎖起晒，望落真係唔多歡樂！其實喺我去之前，就已經有人同我講真正嘅尿尿小童其實好細……
我去嘅呢日尿尿小童有著衫，係好可愛又偏日式嘅服裝，聽講係當日有參訪團黎比利時送比尿尿小童嘅，佢啲衫可以係由全世界唔同地方送嘅，就算日日換，都可以換一年以上都唔會重複呀！點解佢可以有咁多衫著，好羨慕！只不過尿尿小童嘅任務就係每日尿尿比大家睇，所以他嘅衫都一定要可以無時無刻比個位佢尿尿！
穿過大街小巷，一路上有好多賣鬆餅同朱古力嘅舖頭，最多嘅就係小酒吧，仲有好多裝置藝術同插畫。我嘅目的地係大廣場，之前就見過好多相，知道布魯塞爾嘅大廣場相當靚，四周嘅建築都非常精美。
估唔到我運氣好好，行到大廣場嘅時候天氣變返完全晴朗啦！終於有藍天白雲可以影靚相啦！
國王之家 市立博物館
拉布班特公爵之家
我好鍾意呢個廣場，終於知道點解佢會被列入世界文化遺產，周邊嘅建築有歷史而且建造得非常精緻，同埋廣場上充滿遊客同散步曬太陽嘅人。
喺布魯塞爾住嘅呢幾日，其中一日嘅傍晚就散步到呢個廣場，發現金黃色嘅陽光灑喺廣場上，廣場上一片同諧，有啲人席地而坐，食住鬆餅傾著計，真係好chill！
雖然有少少凌亂，但好愜意，好自在，係最平凡嘅享受。
講返我當日嘅行程啦~ 行完了大廣場，我就喺廣場周邊嘅美味餐廳食飯！
去到一間好特別嘅餐廳，有各種唔同口味嘅肉丸，我喺網上發現有人都寫呢間餐廳，而且喺布魯日都有架！
Balls & Glory，Rue Henri Maus 35 – 1000 Brussels
每張枱都擺左一盤蘋果，歡迎隨便攞黎食架！
牆上嘅菜單可以自行撕落黎點餐。
我叫左一杯佢地自製嘅檸檬氣泡水，檸檬清香同微酸嘅口感好好，超級解渴！
每人都有一份嘅薯蓉，非常細緻，裡面仲有蔬菜，搭配醬汁好好食！
主食係唔同口味嘅肉球，我好鍾意有少少孜然口味嘅肉球，微辣都唔錯，每個都好好正！
有時候喺旅行期間，午餐我都會食得簡單少少，呢度嘅份量剛剛好，唔係大餐形式，但係又好有飽足感，而且都幾有特色。推薦呢間餐廳比大家，佢就位於布魯塞爾老城區！
食飽就可以繼續行啦！下一站，就係好知名嘅比利時布魯塞爾聖米歇爾大教堂。
聖米歇爾大教堂 St. Michael and St. Gudula Cathedral
係比利時布魯塞爾最重要嘅教堂之一，都係王儲菲利浦結婚嘅教堂。
教堂整體黎講，由13世紀翻修後，就以歌德風格為主，彩色玻璃就係後期先完成嘅，歐洲嘅教堂通常都要起好耐，經歷唔同嘅時期，而反映喺建築風格上。
聖米歇爾大教堂 St. Michael and St. Gudula Cathedral喺比利時嘅地位崇高，全國性嘅典禮、皇室嘅婚禮與葬禮都會喺呢邊舉行，教堂外無太多裝飾，但完整保留哥德式建築嘅簡單線條，內部保持莊嚴高挑嘅拱頂。
教堂內嘅管風琴相當漂亮。
喺教堂為自己嘅旅途點一盞燈，許完小小嘅祝福同心願就繼續行市區，要向皇宮嘅方向行喇！
布魯塞爾王宮 Palais Royal de Bruxelles
同英國女王喺白金漢宮一樣，假如見到國旗升起，就表示國王喺王宮入面。
其實王室成員大多住喺郊區嘅城堡Castle of Laeken，喺市區嘅王宮主要係接待外賓、辦公等，呢座漂亮嘅王宮建於1900年左右。
比利時皇家美術館 Musees royaux des Beaux-Arts de Belgique
Rue du Musee 9 / Museumstraat 9 – 1000 Brussels
開放時間：星期二~星期五 ｜10:00~17:00；星期六日｜ 11:00~18:00
呢棟建築物嘅外觀真嘅太顯眼，原來他係布魯塞爾嘅樂器博物館。
由美術館對面嘅巷斜坡向下行，就可以到達藝術之丘，可以俯瞰布魯塞爾嘅美景！
呢度都係當地人會約會嘅地方，景色相當靚呀！而我就要喺旁邊嘅朱古力工坊體驗朱古力DIY，我覺得超～好～玩！好想推薦比你地，老闆係一個曾經到中國創業嘅比利時人，但因為文化差異同習慣唔同，因此他將朱古力嘅專業帶返家鄉比利時，唔只賣朱古力，更係將整朱古力變成體驗工坊！
由於老闆有喺大陸留過一段時間，所以Logo係用中文字！超有趣嘅中西融合啊～
有興趣體驗嘅可以去他們嘅官網睇睇：https://www.chocolatsgerbaud.be/
體驗區已經幫我放好各種朱古力，但未食得住，等我做完體驗之後，老闆自然會親自帶我品嚐一輪，帶我體驗朱古力嘅奧妙！
呢啲材料都係可以加入朱古力入面嘅，老師都會一一介紹呢啲材料同搭配。
由老師示範點製作朱古力，其實好簡單，將流動嘅朱古力倒入模具中，然後加入自己鍾意嘅料，放入冰箱就搞掂！喺等待冷卻嘅時間，老師會帶大家食各式各樣嘅朱古力。
自己試整朱古力真係好好玩，我好鍾意自己做DIY，老闆仲準備左好多莓果類嘅材料比大家加，完全就係我嘅大愛！
比利時真嘅係一個充滿朱古力、鬆餅、啤酒嘅地方，想要玩深入一點仲要做多啲功課，真係有好多好玩嘅體驗等住大家挖掘。推薦比大家呢間朱古力工坊。老闆好可愛，識講簡單嘅中文，位置又相當方便，大家行街行到攰就可以去玩玩朱古力DIY。
Chocolate workshop @ Gerbaud，Rue Ravenstein 2D – 1000 Brussels
就係呢一日令我愛上布魯塞爾嘅陽光同舒適輕鬆嘅氛圍，歐洲有好多城市，每個城市都有自己嘅特點，好難去比較，但令人舒服又自在嘅城市，就係旅行最好嘅體驗～
以上係比利時布魯塞爾嘅一日遊，分享比大家～
#寫出你遊歷 #hutchgo資助旅費1000蚊
