呼~~~
終於等到國慶假去新加坡既日子….
其實呢個旅程係 plan 得幾 hea….
之前去旅行…玩既地點係肥熊 plan…. 我就 plan 交通…
呢次 all 都係肥熊 plan…我只係負責當地睇地圖….
唔緊要啦….新加坡話大唔大….應該去既樂園又一早 plan 左….去到都係地鐵地鐵地鐵….
就係咁….就一直拖左換錢呢 1 part…
而換錢呢度….又有點混亂….係重慶見到 1 : 6
肥熊話貴…我不以為而….去到當地先換都 ok …
出發呢日就 4:30am 就起身…但我收工返去食埋野沖涼都差不多 2am 訓…..
梳洗完就行去市中心總站坐呢個機場巴….真係好彩…仲有位放行李同坐…
都係啦…寄完行李就入去食早餐….
就行去上機…時間完全岩岩好….
不過坐左好耐先起到飛….唔知係咪窗口位問題….成程都好熱…..
係等既時間睇下節目表….好開心…有超人比我睇…..
而我睇完之後就掉低 垃圾 兩個字就算….
12點幾落機後…出閘見到波幣係 1 : 6.4
但點都要換少少要黎買電話卡同 地鐵 1day pass…
我地係 T1 落機…之後半行去單軌車度…半搵呢個班蘭 cake…
可惜唔見…就坐單軌去 T2 …因為地鐵站係呢面…..
而且係 T2 呢度先有既 cheers 便利店買電話卡先….
之後再問人有冇班蘭 cake shop…
佢地話 T2 要入左禁區先有….唔見都冇計…走果日見就見啦…本身諗住而家搵到就訂定先咁解..
好啦…而買電話卡時佢地會輸入我 passport 資料… 又奇奇怪怪地平左幾蚊波子…
之後落去到地鐵買呢個 1day pass 去酒店….
提一提…1 day pass 係 10蚊張…
佢好似8達窿咁…要有按金….但肥熊居然唔記得按金…好彩岩岩好夠錢買…
咁係坐地鐵出市區時就係開電話卡買上網 plan 既好時候…有好多個 plan …我地用 7天1G 既 plan…有時 share 比其他人用….5日都係用左唔夠 300m…
肥熊一早係香港網上搵左教學…..去到最後 step 等 sms 回覆確認時…等到落車都未有….真係麻煩喇…
我地住呢間hotel 81 係小印度口….係香港睇 google 地鐵站行去都要 10分鐘多 d….
而 google 度就冇講邊個地鐵出口出最近…所以都要睇地鐵個地圖…
都好彩可以係地圖度睇到酒店既街名…..上到地面就靠 cap screen 既地圖行去酒店…
不過一上地面…真係熱到呢…..想像唔到….
都要頂住拖 o急 慢慢行….好彩…都唔太難搵….但都差不多行左 20分鐘….
呢度周圍都係呢 d 屋…真係好印度
當 check in 完左 … 我個電話卡果度都過左成 hr 仲未收到 sms 確認上網 plan …
好彩隔離街又有1間 cheers 便利店…膽粗粗入去問…
個姐姐居然識廣東話….佢話收唔少投訴話機場 d 電話卡有問題…嚇到我面都青埋….
佢幫我 call 呢個熱線…再按埋 d 語音….駁到去呢個客服就比我…好人都非常…
而客服一接係講英文…sor9ry…我唔多流利…問有冇 chinese…then 再等…
唔夠 10分鐘就有個講國語人聽….so good… 佢就問左我名同 passport no# 去 check…
原來買果陣要入資料就係咁用…
最後佢 check 完就話我買果個 data plan 已經冇問題…可以用得….
真係鬧到費時…因為浪費左好多時間….已經差不多 2pm 了
而第一時間行去坐地鐵….坐一個站…去一個商場度換錢…呢個商場本身仲係一個 24小時既超市…
網上都有教你邊個出口行去….好可惜….佢出口英文字母錯….影果張相又係錯…
好彩電話地圖用得….用自己力量先搵番岩個出口行去…
呢度係 1 : 6.2 …係比機場平….但原來香港重慶已經係最低….
換完波子….就去食喇沙….係我地住果間酒店附近….即係…又要走回頭路…而呢次係行去….
肥熊資料就話呢間 結霜橋 係熟食中心入面….有名有地址但冇圖…
街名中…街號就睇唔到….但再睇附近唔多覺眼有熟食中心…以為冇左 or 搵錯街….
再上網搵到呢間野既圖….噢….有呢間食店外面既圖…咁一睇我就知道係邊….
係隔左一個大草地……真係….呃晒…
呢度既喇沙每碗只需要 2蚊波子….ok 平…但味道唔錯…可以媲美香港出名食喇沙既地方…
之後去呢個牛車水….去呢個天宇旅行社買夜間動物園同摩天輪飛…
真係平好多…
夜間動物園 由 35元 —> 26元 (平9波元 / 大約HKD 55)
摩天輪 33元 —> 21元 (平12波元 / 大約HKD 72)
真係晒多少少腳骨力都低….
行左陣….去見識左佛牙寺
係門口食埋亞伯雪糕就去下一個地方….
晚餐時間….食呢個 “無招牌蟹”….
路程比較遠…..又撞正收工時間….地鐵好多人….
落左車…. google 話要行 20分鐘…真係差不多….
但都係果句…google 冇出口提示..完全冇方向感….
靠睇地鐵地圖…加上一路行一路問人…順利去到地址個 area…但果度成個藝術學院咁..
問果度 d staff …比埋店名問第 1 個都好似唔多知咁…問第 2 個就好 d….按指示完都可以搵到…. total 差不多用左 30分鐘先去到…
激死….係佢地地鐵既提示係少丫…定係我唔識睇佢地既英文…
好彩去到都係遲左少少….坐定定…有個亞嬸埋黎 sell 食貴蟹… 500蚊波子兩食…
on 99 HKD 3K 我返香港自己食一圍酒席都仲得啦.. 4 人 更係食 4 人 set 啦….再問我地飲唔飲野…我地話唔駛…佢就拿拿林走左去…d 服務好到呢…
其實佢地本身唔提供茶..可以直接叫野飲..咁就唔收茶錢…
但一個椰青都要 20波元 (好似係)….真係打死都唔飲….都有叫左壺茶….但又幾好飲…
而呢個個 4 人 set 都好低食….個翅差不多一人可以有 2 碗…食到好飽….
set 餐既蟹都好大隻又有胡椒味
蝦又正 ….由上面果 d 唔係蒜..而係炸麥皮…甜甜地好脆..正呀
成個 set 只係個拼盤過於普通…
個面都唔錯但偏甜….
但畫龍當然要點晴…最後果個甜品絕對就係呢個感覺…冰凍龍眼肉 + 杏仁豆腐花…
食完一口油油既感覺一掃而空….又夠冰凍….成個人舒服晒….
之後就慢慢行坐地鐵站…中途有間曼聯專門店…
我更係入去睇下啦….貴到 pk….大約110波元一件波衫…仲未知道連左稅未…
衫太貴唔理…就睇下 d 精品….有把大遮好似幾好…叫個 staff 打開比我睇睇 d 花啦…
本身有個遮袋既套套住….個 staff 企係收銀隔離度開…但佢好似劣唔到走套…
我就行埋去話 ok 啦…我咁樣都睇到…申手去打開…
點知 staff 好認真咁話呢個收銀 area 我唔可以行埋去…但我想講…你呢個係 open area 黎架喎…唔想人行埋去就圍住佢…
我行開之後… staff 就嘗試打開把遮….點知又打唔開喎…更係啦…個套都未劣晒出黎….
跟住個 staff 就氣聚丹田….雙臂運勁….我就睇到一聲好大聲同清脆既 “啪”…
雨傘順利打開….而我都見識個花紋….係幾靚既…then 我地就轉身睇其他野…
個 staff 就自然收遮…我見到原先一把長既遮…就變成一把長既縮骨遮….幾條骨好似甩臼咁軟奶奶咁反左出黎…
心諗…低 L 死….頭也不回…笑笑口咁走左去…返酒店抖 lu ~~~
原文轉載自: https://wow.esdlife.com/space.php?uid=20275&do=blog&id=167283
