#寫出你遊歷 #hutchgo資助旅費1000蚊
【前菜】
一月入冬嘅季節香港已經好凍啦，係呢個時候着住好厚嘅衫褲，當然係最懷念夏天嘅清爽啦。所以，孭住行李話走就走，去泰國壁咚⋯啊唔係，係避冬！泰國大家都幾熟悉架喇，等但我將最舒服嘅一面寫俾你地睇，無論係城市定係海島，無論係食物定係風景都要非常吸引！好！今次目的好簡單，去海島休假喇！開心開心
【正餐】
飛機係夜晚到曼谷，我哋一到酒店抌低啲行李，就去餐廳食我哋嘅第一餐，我哋揀咗曼谷比較特色嘅一家用避孕套為主題嘅餐廳，入邊全部都係用避孕套組成嘅假人，由於太重口味，就冇影低相啦，附上一張餐廳嘅相就算啦！間餐廳嘅整體環境都唔錯架，但係國內的遊客就比較多啦～
餐廳啲大佬都幾霸氣喎！
我哋喺食完飯諗住行一陣就返酒店，途經路過好多按摩店，其實如果唔係太晏都可以黎試吓，因為喺泰國最出名嘅就係泰式按摩啊，同埋一啲都唔貴架！
好，返酒店瞓一瞓先，期待下聽日嘅行程先！
呢一日嘅行程，我哋直接報咗一個當地嘅包接團，包左一架風格好90年代嘅小巴，年輕嘅導遊帶着一口流利嘅普通話同我地講解行程。其實泰國嘅旅遊業對中國人真係非常好架，佢哋又識講普通話，冇語言嘅障礙，會令你喺度玩得非常舒服架！當然，如果想了解多啲當地人嘅地道風土人情，都可以選擇去清邁呢啲旅遊業冇咁發達嘅地方，探索泰國嘅人民歷史。
【安柏瓦水上市場】
好！今日嘅第一站，就係安柏瓦水上市場，喺曼谷非常有特色嘅市場。呢度冇濃厚嘅商業氣息，反而係小販嘅天堂。佢哋嘅船上面好多食物同埋飲料，好似咖啡啊水果啊等等，想行下市場，都要坐上船喺狹窄嘅河道穿梭而行
喺岸邊都有唔少商店同埋嘢食賣緊，有啲甚至㗎起咗燒烤網，喺船上面整住個種美食佳餚
但都唔係特別便！
【美攻鐵道市場】
行完水上市場，就嚟到第二個超級有特色嘅市場，美攻鐵道市場。
你可以喺度買到泰國最常見嘅香料、食材同埋小食。之所以話係最有特色嘅市場，係因為菜攤就分布喺火車路軌嘅兩側，每日都有八趟火車經過呢個市場，喺火車路軌隔離買餸，真係10分驚險架！
現在再看到都有點腳軟啦～
【唐人街】
好第三站，唐人街！停咗車睇到一個又一個中文字嘅招牌，就知我哋到咗啦！嘻嘻！
唐人街，顧名思義，嗰度就係中國人最多嘅地方。曼谷嘅唐人街係城區最繁華的商業區之一，嗰個規模同埋繁華嘅程度，係東南亞咁多個同人區中擺喺最前嘅。成條街大概2公里長，你讀亦都係老曼谷嘅街區之一：差唔多都有200年嘅歷史。
呢度買豬新鮮嘅生果，同埋呢度都距離學校好近，所以成日都見到學生放學嘅身影
唔小心走左入來添！
【金佛寺】
到曼谷點可以唔睇下佢哋嘅金佛寺，金佛寺係泰國華人對呢間寺嘅稱呼，泰國三大國寶之一。
我哋睇到呢尊用金鑄成嘅如來佛像，我睇到目定口呆0.0
尼個到底要幾多錢呢。。？
遠遠嘅地方可以見到曼谷嘅新地標，MahaNakhon大樓，泰文嘅意思係偉大的都市，高310米有77層。係呢個角度睇，同下面嘅貧乏區有着好明顯嘅對比，都體驗左係世界第一嘅貧富差距城市
今日最後一個行程，但講真真係好攰，亦都同香港發達城市嘅感覺差唔多，所以我都唔拍咁多相la～跟住嗰幾日就會去布吉島，遠離下呢個城市嘅繁囂先！
【布吉島】
上晝飛機落地，好眼瞓咁樣就辦左入住酒店嘅手續，呢度係有名嘅到家酒店。雖然只有三星級，但係舒適度絕對係可以嘅。我最鍾意就係樓下嘅游泳池，係超級游泳池，我諗我呢幾日都會成日落嚟按摩同埋玩㗎！^^
房間絕對的整齊，記得要給點小tips喔！
跟住第一件事當然係搵食啦，酒店嘅餐廳略嫌貴，海鮮大多都係冰鮮嘅，所以我都係諗住搵多一陣～
行左10分鐘，成街都係嘢食，都唔知點樣揀，呢度大多都係買海鮮，所以好似我一樣鍾意食海鮮嘅人，好似嚟到天堂一樣！！！食食食！！！
行吓行吓就好夜啦，但係呢度都唔唔會好靜，成條街都係人，特別係嗰啲酒吧！
呢度都算係泰國人妖文化好重嘅地方，你根本唔會分得清楚佢哋係男仔定係女仔。不過唯一嘅共通點係，你想同佢地影相，就係要比100泰銖。有朋友仲比佢哋撩下添。
100B。。。會有意想不到的事情喔！！自己去探索一下吧！
好啦，既然我哋係來放鬆嘅，我哋就唔咁夜返去啦。畢竟今次去泰國主要目的係放鬆，當然要好好地玩之餘，要好好地休息一下～
之後嗰三日我哋都係呢度飲飲食食，冇乜特別，所以我就唔再花大篇幅去寫，同之前嗰啲差唔多。但係跟住要去嘅地方就真係好興奮好值得記低啦！
【斯米蘭島】
今日我哋會去斯米蘭島，喺碼頭坐船出發，真係好興奮！架船速度好快好快，一路上聽住歌睇住海， 40幾分鐘就到目的地啦！俾大家睇下相，就會知道呢度有幾咁靚啦
呢個島最珍貴嘅係呢啲清新嘅小景觀，每一個居民，每一塊樹葉，每一個腳印，都係最自然嘅景觀，呢啲全部都係熱鬧嘅都市搵唔到嘅。
跟住先係我哋嘅重頭戲，係我期待左好耐嘅浮潛。喺呢個島嘅海底透光度特別好架，有運動相機嘅話就輕鬆拍攝都可以海底嘅畫面，珊瑚、魚群、海葵都睇得一清二楚，唔知會唔會見到躲避危險嘅尼莫呢？！由於泰國政府對呢個到嘅着重保護，所以呢度啲生活都從來冇受到破壞，我哋先可以睇到咁多嘅美景～
好似標題咁講，我哋喺呢度遇到一場暴風雨，係回程嘅路上，天已經黑咗落嚟，唔講以為要上演一場天海合一！唔使5分鐘，黑雲就徹底琴左係頭頂，海浪係咁用，真係有啲驚㗎 ！
好啦我哋簡單咁樣執咗行李就返返去曼谷嗰邊，準備返香港，係臨上機之前仲買咗非常之多個零食，重點係佢哋非常之平！呢個假期話咁快就完咗啦，你都要返去準備迎接寒冷嘅冬天啊！
【甜品】
泰國既城市同郊區相差太大了，都唔係一兩個星期可以走完既！期待下次既探索，等我更加認識尼個國家！！！
拜拜啦，我哋下次再見啦！
謝謝妳，讓我的假期過得非常充實！
