講到歐遊，希臘嘅聖托里尼島一定係好多人夢想嘅旅遊地方～
由細細個開始我已經好鍾意藍白海天一色嘅景色，加上呢度嘅夕陽被喻為全世界最美嘅日落，所以大學畢業旅行就揀定左要呢拜訪呢個地方！聖托里尼只係希臘版圖入面嘅一個小島，每年都有幾百萬遊客拜訪次數～ 有人更加係專登飛黎呢度度蜜月同影結婚相，真係羨煞旁人啊！
嚟到聖托里尼島，我地揀左係費拉城(Fira)安頓～費拉係聖托里尼島入面其中一個大市鎮，位於呢個半月形島嘅西部，鎮上面有好多藍白色嘅建築物，個色調簡直同希臘個國旗一樣啊！但係呢個鎮有樣可惜嘅地方就係遊客比較多，同我地想像中度假chill life果種感覺始終有啲差距 🙁
島上對出愛琴海有好多大郵輪，配上海天一色嘅景，真係心曠神怡！
作為聖托里尼島嘅交通樞紐，費拉城有齊通往島上其他市鎮嘅巴士。而且呢度嘅食物種類繁多，比起伊亞市嘅吸引，所以有好多backpacker都揀係呢個鎮度住架！
嚟到聖托里尼島，島上嘅重點梗係睇世界最美嘅夕陽啦！食完lunch之後，我地就坐巴士去到伊亞城周圍行吓～不過伊亞超級超級多遊客，行過大街小巷完全無諗過原來可以迫到寸步難行！
而伊亞本身有好多藍色嘅小屋同教堂，係條街上面每個位都可以影到postcard級嘅風景啊！
為左搶最靚嘅日落影相位，我地特登預早一個鐘頭嚟古堡山頂霸位，當時嘅人潮其實都唔少，好在我地都搶到前排影日落相！因為古堡無其他建築遮蓋，所以山頂非常當風，如果大家嚟霸位睇日落嘅話記住要著多外套啊！
睇住夕陽慢慢向住海平線下降，真係好治癒啊！
親臨其景，目睹全球最美嘅日落，此程真係不枉此行！
日落之後，沿山嘅小屋都開晒燈，又係另一壯觀景色啊！
#寫出你遊歷 #hutchgo資助旅費1000蚊
