#寫出你遊歷 #hutchgo資助旅費1000蚊
嚟到比利時首都布魯塞爾，一定要嚟歐洲最elegant嘅廣場：布魯塞爾大廣場！然後去睇布魯塞爾最出名嘅「尿尿小童」，朝一朝聖。呢個尿尿小童仲會有唔同嘅造型，去睇多幾次都唔會厭！
呢次歐洲之旅搭直航由香港飛到比利時。機場嚟市中心唔係好遠，訓醒朝早，好快就到左布魯塞爾中央車站 BRUSSEL-CENTRAAL。先去左布魯塞爾市中心嘅Hotel check-in後，就行去歐洲最靚嘅布魯塞爾大廣場 Grand Place。
今日布魯塞爾嘅天氣都唔太好，但反而帶有一點神秘嘅氣氛。所有嚟布魯塞爾嘅遊客都一定會嚟嘅地方。廣場上有大概40座唔同建築，每一棟建築風格都好華麗。點解香港反而無呢D咁有歷史味道嘅building :((
尿尿小童 Manneken Pis
呢個係比利時最出名的景點了！一諗起比利時，除左chocolate，就一定係呢個尿尿小童。關於尿尿小童嘅由來，其實我都唔係好知，到底點解會有一個咁有趣嘅景點呢？
有一個感覺：吓？咁架咋！不過尿尿小童實在太出名嘅關係，再加上世界各國送比佢嘅衫著都著不哂，所以每一次嚟佢都有唔同嘅打扮，唔知下次有機會再嚟佢著咩衫呢？
尿尿小童附近係Rue de l’Etuve嘅商店街，有各種chocolate、鬆餅、手信，都聚集喺尿尿小童附近，好多仲以尿尿小童做招牌！
嚟到比利時光，邊度都係chocolate~ 見到都流哂口水！！！
Brussels另一樣野多嘅就係church，是旦入一間都嘩嘩聲，靚到唔知講咩好～
最後嚟到比利時，梗係要試下呢度嘅周打蜆湯同清酒煮蜆～～
下回繼續 歐洲之旅！
