唔係嘛，出一出街竟然見到。。。希臘四季？

登陸希臘已經超過一星期，但基本上我日日都係喺屋企入面活動，因為真係好凍，一早7點起身，可以係6.9度，簡直係無法移動。但係喺facebook同instagram見到大家不斷post啲紅葉相，我知道係時候出動去影吓紅葉放吓毒。

一打開門，吓？春天來了？周圍都係紫花同白花，行出啲睇吓，咦？夏天又來了？啲草同啲樹綠到呢。。。再行遠啲咋嘛，秋天再來了？點解咁多紅葉㗎？我好亂呀。。。亂到要去花園摘返一大堆新鮮檸檬同橙冷靜吓。。。

經歷咗春天、夏天同秋天之後，我知嘅。。。仲唔係冬天咩。。。太陽一落山（5點啩），全個世界靜晒，又黑又凍，全晚我都只係痴住個火爐生存。。。

除咗日本同韓國之外，希臘啲紅葉都好靚㗎，仲有好多唔同顏色嘅植物呀！除咗夏天嘅夢幻陽光與海灘，其實秋冬都好值得嚟㗎。