#寫出你遊歷 及 #hutchgo資助旅費1000蚊
又係冷門遊系列呀! 今次帶大家黎到西班呀中西部嘅薩拉曼卡!
最近一年某航空公司開咗香港直飛馬德里嘅航線，大家唔洗再長途拔涉轉一兩次機先去到西班牙啦! 今次介紹嘅薩拉曼卡就離馬德里機場兩個幾鐘，馬德里到薩拉曼卡可以選擇搭火車或巴士，入到市區馬德里Madrid chamartin火車站到Salamanca站車程要兩個幾鐘，火車車資19.1歐，而巴士的話就要到Méndez Alvaro地鐵站嘅巴士南站Estación Sur，不塞車車程要兩個半小時，車資18.13歐，巴士火車班次都幾密，一個鐘會有兩至三班車。
巴士站比較殘舊，但勝在路線選擇多，到西班牙甚至葡萄牙過境巴士都有
火車站對比起巴士站大型同新淨，站內商場更加有戲院同多間食店。火車更加比得上高鐵同新幹線之流，雖然價錢貴但係物有所值!
黃土上的Salamanca，位於托瑪思河Tormes河畔。Salamanca盛產含有黃色的鐵質嘅石頭，喺陽光照射下會反射出黃色光芒， 因此有「黃金城市」之稱，是西班牙的文化古都，有西班牙最早嘅大學Universidad de Salamanca
到達Salamanca後，地理位置上巴士站是在舊城區西方，城市中央就係主廣場，火車站喺城市東邊盡頭位置
到達後一直走到市政廣場Plaza Mayor，號稱西班牙第一廣場
到訪當時係世界盃決賽周，成個廣場都人頭湧湧，好不熱鬧，夜間亮燈之後更加突顯黃金之城之美
主廣場往西南200公尺，有400個海扇貝殼砂岩雕成的貝殼之家， 貝殼之家Casa De Las Conchas屬於金砂岩建築，於1493年開始興建嘅哥德式風格，宜家演變成大學圖書館
貝殼主要用於裝飾樓房的正面，以主教戒指上的嘅紋章為徽章，貝殼之家每一扇貝殼代表愛嘅標誌，亦都代表著騎士團象徵
Salamanca歷史悠久嘅薩拉曼卡大學(Universidad de Salamanca)創立於1218年，13世紀就已開始營運嘅薩拉曼卡大學，係當時歐洲第三所及西班牙最早的大學，亦係是現今全世界研究拉丁文的最佳學府
大學城的正面( la fachada de la universidad ) 銀匠風格plateresco 繁複嘅雕刻裝飾精美雕刻嘅盾徽、類似銀器上嘅花葉珠寶雕飾 Salamanca大學正面雕刻中嘅一排骷顱頭上站了一隻青蛙。如果可以找到青蛙，一說係代表住將會有幸運的事情發生，亦聽講過話代表住遊客以後會重臨薩拉曼卡。
考下大家眼力!
Salamanca大學的校區比較分散，唔同學院分別在城市各方， 某些學院還座落在其他的城市
新校園區座落於城區西邊，當時正值署假期間較為清靜
大學和貝殼之家往西南200公尺，大教堂所在的阿拿亞廣場Plaza de Anaya 新舊大教堂比鄰而立，遊客必須從新教堂的入口慢慢參觀然後進入舊教堂，舊教堂大門只會在重大節慶時開啟
新舊教堂都保留哥德式建築風格!
舊教堂樓梯比較窄，大家上落切記要小心!
仲可以走到新舊教堂交接位留意外牆細節位
登頂途中可以望到舊城區景觀，遊客自然更心曠神怡
到頂了! 除了望到鐘樓內布之外，仲可以遠眺城區邊緣
薩拉曼卡新教堂建立於1120，舊教堂於西元1513年動工，西元1733完成， 教堂開放入內參觀，可以選擇大門入內參觀教堂地面層，而以上圖片為教堂後門收費處，可以登上教堂鐘樓頂層，而且比只參觀底層入場費更低 (上層3歐，下層4歐入場費)，時間唔夠而又想影到打卡照嘅朋友強烈推介!
聖伊斯特班修道院Convento de San Esteban
位處於主教堂附近嘅聖伊斯特班修道院入場費只收2歐，人流不多，同時更有18世紀藥房展覽，絕對係窮遊必去!
外觀甚至可以同主教堂一樣宏偉
主祭台後方的祭壇畫，內部有53個壁畫、分為5層嘅主祭壇， 15世紀完成，敘述耶穌誕生到升天一路嘅經過
Salamanca valor，1984創立的第一間巧克力店，到現時共有27間分店咁多，主打一定係西班牙早餐churros加朱古力經典配搭! (下圖為4條churros+chocolate 3.5歐)
可以留意朱古力並唔係香港飲品咁，算係特濃口味，當地人唔會就咁飲呢杯朱古力，只會用churros點黎食，所以一杯其實夠點8條churros嫁啦!
P.S. 相傳churros係由中國傳入﹐係明朝時代葡萄牙/西班牙商人食過中國嘅油炸鬼之後﹐返去本國加以變化而成!
美食又點會得甜品! Salamanca賣嘅西班牙火腿絕對稱得上係佳品，以Plaza Mayor府嘅Viandas de Salamanca為首嘅商店橫街窄巷都會見到!
西班牙夏天日照時間非常長，通常都9-10點先日落，成日流流長想去下室外景點?
首推慢遊Rio de Tormes河邊兩岸!
天公做美的話更可以見盡wallpaper級數美景!
主教堂向南行10分鐘就會去道河邊，可以先去古橋Puerte Romano打卡
河畔向東一路行不到半個鐘就會去到薩拉曼卡最大型商場Centro commercial de Tormes，餐廳商店同大型百貨公司林立，到食飯時間就可以醫肚再繼續行程
因為火車巴士尾班車一般都係11-12點開出，所以通常旅客夜晚都會相繼離開薩拉曼卡返到馬德里等城市繼續行程
最後附上河邊夜景相! 每條橋都各有特色!
希望薩拉曼卡可以比到大家難忘一日啦~
