細細個已經聽過芬蘭有個聖誕老人村 由細到大一路都好想拜訪呢個咁夢幻嘅地方 身邊有朋友講過旺季過黎玩 周圍都係遊客好迫 所以今程特登預到淡季過黎 果然有驚喜! 就等我帶大家聖誕老人村一日遊啦!
一落到車就已經滿心期待又緊張 自細訂立嘅目標今日終於可以實現喇!
聖誕老人村地圖 好夢幻嘅設計呢
想搵聖誕老人？向住呢個尖尖屋頂行就係喇！
上面大大隻字寫住：Santa is here!
知道聖誕老人嘅屋企之後，我們就可以放心周圍fing吓喇～
雪地上嘅遊樂設施 好夢幻～
就黎可以見聖誕老人啦 :S 好緊張！
聖誕老人屋企門前嘅裝飾令我諗起中國傳統技藝──轉碟XD
門前寫住Santa is here令到我地好興奮！
一入黎就見到Santas Topshop 原來聖誕老人都幾潮架喎XDD
裡面就賣一啲紀念品同明信片~無咩特別
樓下嘅紀念品店 最後見完聖誕老人都會經過呢度
入去見聖誕老人之前有不少地方可以影相打卡！
因為唔係旺季 所以完全無其他遊客 好似包左場咁 好正啊！
聖誕老人嘅禮物準備好啦! 你準備好見聖誕老人未呢? Let’s Go!
其實見聖誕老人之前 都仲要走一段幾長嘅路……
一路都有CCTV錄影住 類似紀錄住你見聖誕老人前嘅辛路歷程 哈！
最後入去聖誕老人房間前嘅門口 仲有一排凳～ 想像到旺季黎嘅話呢排凳一定坐滿住遊客……
我地呢個時候黎是完全不用等架！所以話如果唔揀聖誕節黎嘅話 反而更加可以仔細咁欣賞呢個地方呢！
話咁快就入去搵聖誕老人 一入去我地又怕羞又興奮 一種期待又怕受傷害嘅心情
因為唔係旺季 聖誕老人同我地傾左幾耐偈架 大概都有十分鐘!
聖誕老人本人真係好慈祥啊!!!
我仲好蠢咁摸佢嘅鬍鬚問佢:Is this real?
聖誕老人好官方咁答我: Of course! Everything you see here is real!
我諗佢應該都遇過唔少純真嘅細路仔問呢類問題
聖誕老人嘅魔力真係唔可以忽視 我到呢個年紀遇到聖誕老人竟然都仲會問呢種愚蠢問題XDD
然我同聖誕老人見面嘅一切片段都有錄影存證架！
同聖誕老人傾完偈影完相之後 一出房就會見到工作人員問你要唔要買Video或者相
講真果句～我黎聖誕老人村之前覺得比錢買呢啲 實在有啲晒錢 覺得用相機影相就好
但係!!! 當你真係置身其中 你先會知道咩叫人在江湖身不由己阿 LOL
即係當下你真係會覺得 比錢買這張相真係非常值得 大概係因為你體驗完而且完成左由細到大想黎嘅宏願
所以最後 我同朋友買左兩張大張嘅合照 同我地拜訪聖誕老人嘅影片總共51歐
講真係真係有啲貴啦…不過當下我地諗住兩個人分都係25.5歐嘛!
大概230蚊換一個一輩子嘅回憶 點可能洗落去!!!!
以後我就要攞住張相同我仔女講 你阿媽見過聖誕老人本人啦!
照片 即刻到手!
影片同照片嘅電子檔會放到聖誕老人嘅官網上
然後會拎到一個Code 去官網上面下載就得架喇!
我地一攞到果張Code即刻拎晒手機相機出黎影低佢~ 好驚會整唔見啊！
拜訪完聖誕老人都餓嚕 旁邊就有個Cafe可以點餐黎食～
不過啲野食太貴我地無買黎食 都洗左51歐喇 唯有慳啲洗照護吓個荷包Q.Q
聖誕老人都有午休時間架!
呢度係另一棟 入面有好多間賣紀念品嘅 都有餐廳
我地就坐係呢度寫明信片同食簡單嘅午餐
比砂石蓋住嘅北緯66.5度極圈線!
唔留神真係會忽略左佢架!
準備去聖誕老人郵局喇!
門口
一邊係一個好普通嘅郵筒 另一邊係聖誕節先會寄到嘅 但係唔肯定係邊個。
因為我放左一張明信片去聖誕節先寄到嘅郵筒比我同伴 但係佢屋企人過幾星期就收到了XDDD
如果係想要聖誕老人係聖誕節寄信比你嘅話 比6.95歐就可以預約聖誕老人嘅信件架喇
不過聽講信件內容都幾敷衍 又唔係親筆寫嘅 仲有人試過收唔到添 聽落都幾搵笨吓……
郵局入面布置得好溫馨 可以比遊客係裡面好好地寫明信片
寄到世界各地嘅信件!
寫明信片寫到趕唔到巴士 然後因為唔係好明佢巴士發車時刻表
所以我地係冷風中等左半個幾鐘先等到巴士
上演左一齣衝返酒店拎行李再趕去搭火車嘅驚險經歷……
好在最後都趕到 唔係嘅話真係會噴淚！
好啦 我嘅一日聖誕老人村行程都告一段落喇 大家有生之年都應該要黎拜訪聖誕老人啊Kekeee
#寫出你遊歷 #hutchgo資助旅費1000蚊
