唔知大家有無收過朋友記嚟嘅一張 postcard，上面有個好鬼死難串嘅國家名，講完都唔知係邊度嚟！
無錯，呢次我就去左呢個唔知點讀同唔知點串嘅國家！好似好神秘咁哦呵呵～
呢個國家英文名係Liechtenstein，中文名係列支敦斯登，喺德國、奧地利同瑞士呢三個國家嘅交界。呢個國家細到一個點，地圖上幾乎睇唔到，呢次我就決定由德國慕尼黑出發嚟！
朝早搭火車由Munich Hbf出發，搭左成兩個幾三個鐘先至到左德國南部嘅Lindau，再轉45分鐘巴空直入Liechtenstein 市中心，真係好靚！
其實呢個國家真係無乜野特別，出名嘅就係呢度嘅stamp同埋仲有座有皇室成員住緊嘅castle, 不過可惜唔入得去:(
搭巴士抵達 Liechtenstein 首都 Vaduz, 喺中央郵局附近落車。嚟呢度目標就係hea，打卡同埋寄postcard! 據說依家佢地呢個咁細嘅國家都咁有錢，就係靠發行郵票！賣遊票都發達，我都想:(( (btw, 左上角就係個castle啦haha 呢個國家真係好細)
A church in Liechtenstein
呢條咁簡單嘅橋，人車兩用，其實已經橫跨左兩個國家～
Vaduz 係我去過最細嘅首都lol 行唔夠20分鐘就行完, 原來一日遊時間都仲好足夠～ 不過唔緊要，去旅行唔洗日日都chur行程，今天放鬆D，慢遊一下啦!
D邊界位打卡真係好正～踩喺條邊界上，大地就好似在我腳下咁！
So, which way to go?
有咁多時間，仲可以去cafe坐下飲杯野先！呢個水果茶係嚟自佢地國家嘅berries!!! 咁細嘅國家都可以出產到農作物，真係好勁！就算係貴都值得一試 ！
唔少得寫下postcard! (雖然真係好貴 T_T)
呢個國家好適合嚟一日遊，香港人，係時候要慢活下！！
留意番，呢度唔係用歐羅，係用瑞士法郎！
#寫出你遊歷 #hutchgo資助旅費1000蚊
