#寫出你遊歷
#hutchgo資助旅費1000蚊
第2日起身食完早餐就出發去大阪港既海遊館。
由於一早買左海遊館pass所以已包海遊館票同全日地鐵車票。
酒店行去心齋橋/難波/日本橋都係10分鐘倒
所以就睇邊個車站轉少d車就去邊個地鐵坐車,
我記download左 Y!乘換案內日本地鐵app都好易睇易明,
而且大阪地鐵都唔算難攪,啱我呢d新手人士。
而且大阪地鐵都唔算難攪,啱我呢d新手人士。
去到大阪港行去海遊館方向見到有職員講野(但我地當然唔知佢講乜啦),又見好多人排隊喎。
我地仲以為排隊過馬路咪跟住排,但過幾分鐘又見附近有d人都無排隊就向前行,
覺得唔對路,無理由去海遊館排咁多人嫁?
覺得唔對路,無理由去海遊館排咁多人嫁?
之後唔理啦,我地唔排隊向前行,過左人龍位向海遊館進發。
上到海遊館我地終於知道點解咁多人排隊,原來d人去睇軍艦呀！
一入場就有顯示餵食時間,餵食仲會有職員導賞(不過都係日文唔識聽)
經過海洋隧道後就直上8樓開始慢慢睇返落去。
海遊館有水獺、海獅、企鵝、海豚、魟魚、水母等等
終於見到鯨鯊好大條呀，仲有2條添呀!
咁睇唔似好大條但佢游到過黎好巨型的~
行行下就到左海洋BB區
全部都係BB海洋生物
好可愛既海豹不過睇咋，唔可以摸的
企鵝都可以唔洗隔住玻璃睇
終於行到去今日既重點節目
就係摸魔鬼魚同鯊魚啦~
摸之前要洗手先!
Alison勁鍾意魔鬼魚,佢成程只係搵魔鬼魚摸,唔夠膽搵鯊魚。
Alison仲摸到衫都濕埋。
有提示只好摸佢地中間背部
Anson就魔鬼魚同鯊魚都有摸下
但叫anson影相佢好快速影完就望返落去,佢話驚比鯊魚食左隻手,笑c我。
走既時候仲有個位職員同你影相(入場都有,但我地無影到)
影完細既相係免費的,而大既就要¥1100
見影得幾靚所以都買埋佢
出到去就有紀念品中心(比較細間的)
Alison買左隻中size鯨鯊¥1500
Anson就要左個紀念幣¥200
點知行完落多1層原來又有多間精品店,
仲要勁多野買,真係有排睇。
初初諗住係天保山商場食lunch點知佢地2.5小時行完海遊館,都係12點鬆d。
咁我地就決定去下一站目的地: 鶴橋站先食lunch啦！
個到有條燒肉街又係買韓國野既集中心
成條街都係食燒肉,而lunch仲有套餐比夜晚抵食。
我地叫左2個¥1500同1個¥1800套餐
平時唔食燒肉既Alison都話好好食,
係咁叫papa燒比佢食
食飽飽我地就慢慢行去延羽之湯到浸溫泉啦
入到去記得除鞋將鞋放入locker然後再去counter登記,
職員會比手帶如果用左要額外收費行目就會用手帶記錄,到走時再計$的。
個到有分大眾溫泉同獨立房溫泉
我地今次選左大眾溫泉,想比仔女體驗下。
我地有帶大浴巾如果無都可以租,
而沖涼洗頭水係有提供的,唔洗自己帶。
我地大約浸左1個鍾,papa仲話佢地個邊有嬸嬸職員添。
我地只用左2樓既湯屋設施,2大2小¥2600
浸完個個面仔都紅晒,我地就返難波bic camera睇下玩具行下100yen店
Anson買左盒高達,我就買左hello kitty餐具送比人,
仲要係made in japan同日本限定的。
之後就返酒店休息左陣。
Mama就去心齋橋藥妝買少少藥品,
之後就帶佢地去超市買野食。
買完野食再行去日本橋既釣船茶屋。
因為聽聞平時好多人食,所以一早訂定位坐船上面。
好在當日去到唔多人,不過d魚唔食魚餌既。
釣左陣就見好多人走晒去勾魚。
我地勾左1條平目,勾時水花四濺,我地個個都大叫。
條平目用左來做刺身同炸魚,仲叫左2個兒童餐同其他食物。
(食店規定每人要叫一杯飲品,大人每人收取餐前小食費)
比錢show coupon條魚計左半價,
食物都唔錯,小朋友食得好開心。
