對於摩洛哥，只能用又愛又恨嚟形容。
愛嘅係摩洛哥嘅景色咁迷人，摩洛哥嘅每一處地方都可以take photo；
恨嘅係摩洛哥嘅坑蒙拐呃式套路太犀利，以至於當地人對我熱情陣，我無法confirm係真心定係假意，只好拒絕。
我哋喺摩洛哥一共5天嘅行程，包括了摩洛哥所有嘅打卡城市。
我哋2月去摩洛哥，溫差仲係比較大嘅。日頭嘅話以長裙為主，再帶上一件羽絨，早晚溫差需要著。
一定要提前搭配好衫。鮮艷嘅衫最佳，比較有異域風情。白裙係萬能key嘅，去撒哈拉沙漠，可以帶一件披肩。摩洛哥日頭比較曬，陽光好猛，防曬一定要做好。
摩洛哥最有特色嘅住宿就係Raid，即係當地嘅民宿，好有摩洛哥風情。之不過價格也唔平，出名嘅Raid還需要提前好耐預定。
摩洛哥啲野食都唔錯呀！
Day 1
哈桑二世清真寺
哈桑二世清真寺有2/3都係建喺海面上，就好似一座平面上漂浮嘅孤島。
喺摩洛哥只有哈撒二世清真寺係可以隨意進入嘅，而其他嘅清真寺就只有穆斯林才可以進入。
紅城馬拉喀什
呢度幾乎所有嘅房屋都係紅色嘅，沿着街頭小巷，喺呢度感受最地道嘅摩洛哥風情。
除咗漂亮嘅藍牆花園，還有棕櫚和仙人掌，好清新好fresh。
日落時分市集就開了，嚟到傑馬夫納廣場，成個廣場都係馬車lol
廣場上人群絡繹不絕，喺廣場上賣生果嘅哥哥仔吸引了我哋嘅注意，仲邀請我哋品嘗佢嘅生果。
係新鮮嘅仙人掌果，第一次見到呢種生果，口感和火龍果一模一樣，不過有許多小籽。
喺廣場上就可以拍到集市全貌。大大小小嘅綠色帳篷下面，有數唔清嘅小食攤。
Day 2
阿伊特本哈村
每天喺路上嘅風景都係一樣，摩洛哥總係有着各種各樣神奇嘅地貌。好靚。
阿伊特本哈村喺800年前修建於此。原本呢度只係一些沙漠邊緣嘅摩洛哥本土柏柏爾人居住，後尾因為地理環境嘅優勢轉變成了一個龐大嘅防御工事。
我哋從馬拉喀什到阿伊特本哈村嘅路上，遠遠就能睇到成個村落嘅全貌。
進入阿伊特本哈村係需要收取10迪拉姆嘅門票費用嘅，如果仲想進入當地人屋企參觀，入鄉隨俗，仲需要畀10迪拉姆左右嘅小費嘅。
Day 3
Sahara Desert 撒哈拉沙漠
喺沙漠裡藏有一大片綠洲，密密麻麻嘅屋。
落車要轉車，但架車變左做駱駝。我哋騎住駱駝，走入撒哈拉嘅世界，成個行程大概四十幾分鐘。
無邊無際嘅撒哈拉，陽光下金黃璀璨
我地今晚住嘅地方：沙漠星空帳蓬！
晚上成班一齊圍喺campfire旁邊，同嚟自東西各地嘅同路人，食下野，幾寫意。
啲星多到你唔信
Day 4
喺沙漠醒嚟嘅清晨，又係另一番風景。好早起左身，睇着太陽緩緩地升出地平線。
菲斯古城
不愧是摩洛哥最古老的皇城。。。大到一個點
藍城舍夫沙萬
嚟到摩洛哥之前，最期待嘅就係呢座藍城，成個老城都被刷成了藍色。我哋喺最浪漫嘅情人節，嚟到了最浪漫嘅舍夫沙萬。
想嚟到呢度影相嘅話，一定要早啲，如果唔係會極多人。
Day 5
白城丹吉爾
位於摩洛哥最北部，感受一下與別不同嘅田園風光。
喺丹吉爾，左邊大西洋，右邊地中海。
#寫出你遊歷 #hutchgo資助旅費1000蚊
