2015年12月26日[六]
HOBART > BRUNY ISLAND > HOBART
第一日旅程真係黑過蜜豆，
先係倒塔咁早起早去機場，
但我睇錯DOMESTIC同INTERNATIONAL，
走係由DOMESTIC出發，回來反而是INTERNATIONAL，
非常誤導，結果要再搭的士，而的士佬差啲唔俾我地一架的士[我地要大的]，
好彩見我地一家大細，有老有嫩最後搵到一架大車可以一次過載我地。
去到AIRLINES CHECK IN條隊又勁多人，
凌晨五點點解可以咁多人，
好不容易入到去，好快就BOARDING，
唯一感恩是袋寶竟然因為有飛機搭全程無扭過計。
而兩小時飛機都無乜扭過，
但就俾後面個男人投訴佢玩HANDLE笑得太開心，
不竟太早大家都想在機上休息下。
而臨LANDING時遇上強大氣流，
架機又細，直頭玩過山車咁又上又落，
因為太BUMPY，我仔決定眯埋眼，
然後瞓咗＝＿＝。
但好景不常，HOBART落機時，
班機係直接回程，
所以飛機引擊沒有關，
下機要用樓梯行落跑道走，
飛機引擊實在太大聲，
袋寶又好快驚醒咗。
今個旅程用BUDGET租車公司
租一台NISSAN PATHFINDER，
真心講句間公司租車服務實在不滿意，
一開波個小姐就話我地果架係新車，
話唔買佢地所謂保險無論咩意外都要賠五千幾蚊，
但實情係一架已經揸咗八萬幾公里，
門旁啲防水膠甩甩吓，
揸咗八萬幾仲算新車，架車最少有四年，
我地揸咗二十分鐘出去CITY電池仲要打柴。
第一景點本想行Salamanca Market，
聽聞DoDo姐推介，沒有具體清楚個MARKET係賣咩，
不過第一日天氣真係好差，當日好大雨，Market根本上無乜人，
但感覺就好似MELB VICTORIA MARKET縮細版，
我地行咗幾步Market就折返，一來落雨同埋真係好凍，
另一感覺係啲嘢真係好貴，
最後我在大雨中買咗一把一直好想要嘅牛油刀。
食過飯後一開車電池就打柴，
搞到要滂沱大雨中在車上呆等修車師傅來。
不幸中的大幸係電池第一日就打柴，
如果行到山旮旯又無訊號至發生，
我地就要跟成個行程說拜拜。
修車師傅到場後，
用咗過江龍令電池起死回生後，
師傅要我地揸最少一小時令電池RUN順，
於是即刻出發去BRUNY ISLAND，
由CITY開大概半小時，路經MARGATE地方，
那裡有架由舊式STREAM TRAIN改為商業用途CAFE同BOOK STORE名為MARGATE TRAIN，
下車目的主要是我搵廁所，
下著雨隱約聞到對住馬路花田中清香的薰衣草味道。
下雨又勁凍又瞓得少關係袋寶全程心情不太好，
爺爺嫲嫲特意冒雨帶他看火車頭，
極度潔癖的他因為有雨關係臭面迎人XD。
BRUNY ISLAND主要目的是吃蠔，
幾位到過的FAMILY FRIEND極力推介好吃，
原本無打算列入行程，事源問咗N次兩老都話無所謂，
我就唔太想為食蠔長途拔涉去。
到出發前一星期電聯至開聲非去不可…汗顏X1000＝＿＝。
這個地點跟我們行程背道而馳，
沒有預算TAS夏天係同SYD冬天沒兩樣，
我只帶可擋風外套，這件外套花我幾百元澳紙，
買不到兩年，拉縺竟然壞咗T口T!!!!!!!
名牌貨原來都不如一般貨色…[哭]
當日看HOBART只有9-12度，
我們仲要南下，真係凍到甩肺。
BRUNY ISLAND是必須由KETTERING小鎮搭船，
我們搭船按每車收費，一般私家車來回為$38，
淡旺季價不一樣，詳情就要到如下網站查詢：
船是一小時一班，你準時都未必能上船，按當日交通，因為船上車位有限。
開船後你可下車伸展一番，上落船時安全理由必須留在車上。
吃蠔店名為Get Shucked，
去到只有一個感覺，ASIAN，十居八九都係中國、香港遊客，
基本上食完就走。除咗好凍，就真係好凍，
相信在TASSIE是唯一一家有多種食法OYSTER嘅地方，
但其實SYD FISH MARKET都有呢啲食法。
他們有自己養蠔場，蠔本身NATIVE祖先來自日本喎~~
當時我腦入面只係有輻射二字。XDDDDDDD
蠔的確好吃，口感好好，
但體型比預期細，住香港去旅行必去之選，
但我就未必為佢去了。
個ISLAND我都想行下，但主要係BUSH WALK，
都係等袋寶大啲至考慮。
嚟到兩老同老公食夠本至走，
叫咗兩個ROUND，食到我真係驚會中蠔毒。
食咗好多輻射落肚後，
離開時在外面俾我見到一隻可愛嘅TASMANIA PADEMELON，
初時唔知佢叫咩名，啱啱俾我上網查到佢…
比WALLABIES個身肥，頭仲尖似老鼠。
由於跳得太快，來不及拍影，
而返停車場時見中文牌令我眼前一亮…
=____________=
陰公，原來我係食呢啲。
小兒觀光點就係連人帶車嘅FERRY，
小女記得兒時香港小輪也有此服務，
好懷舊。
吃過後已經三四點，
我們出發到當晚住地方MORNINGTON的COSY CABINS，
細細CABIN有2間房一房雙人，一房可瞓三人有一張碌架床。
第一晚袋寶唔番屋企就唔開心到夜晚，
連發夢都叫住番屋企＝＿＝。
基本上CABIN都算OK，預期中乾淨。
不過CABIN就唔太適合我呢個情況，
大家休息時間差太遠，始終是CABIN，
郁少少都感到地動天搖。
我跟袋寶瞓覺時間比較早，
兩老係勁夜至瞓，瞓正廁所隔離嘅房，
佢地行路去廁所張床係會震…
我老公瞓上格，佢話感覺直頭係機動遊戲擰緊。
[相片是第二日早上拍，雨停有太陽伯伯出來]
晚上我們訂了在HOBART碼頭一家海鮮餐廳，
這家是朋友極力推薦，
賣點係嚇袋寶有海盗骷髏頭佈置＝＿＝。
餐廳以海盗為主題，
佈置好靚，食物都好好，
只不過當日已經食咗蠔，
夜晚又嚟食海鮮入面都有蠔，
我完全覺得爆血管，好怕客C異鄉…行行下成個人爆CHOLESTEROL。
而佢地兒童餐，係妹仔大過主人婆，
杯雪糕大到完全係大人份量。
番到CABIN瞓，
成晚就係震到好暈，
加埋袋寶半夜喊醒：話要番屋企，
第一晚我係無乜瞓過。
HOBART除咗凍，就真係好好好好好凍!!!
凍到我乜都無心情!
原文轉載自: https://wow.esdlife.com/space.php?uid=17963&do=blog&id=292796
