其實呢日要轉酒店 , 由弘大轉左去首爾站附近既酒店 , 因為下一日一早起身係首爾站坐 KTX 去釜山。
究竟有幾早 ? 要咁大陣象為左咁轉酒店 ?
只係坐 5:15am 火車者 , 就算我訓間咁近既酒店 , 我都預 4am 起身 , 再住遠 d 既咁點算 ?
係呢度訓一晚 , 起碼時間易控制 (因為點兜都預到行去) , 又唔怕唔知坐乜野車黎。
—————————————————————————————
由弘大去首爾站 , 最好都係坐番機場線。
我記得上年黎 , 由首爾站轉 4 號線明洞係好慘既一件事。
首爾站既機場線月台係好鬼底 , 雖然有電梯 , 坐唔到就要轉上幾層先去到出閘機 , 出完閘又要再上層 KTX 既平台 , 又再穿過樂天 outlet 又要再落幾層地鐵站 ,
但去到地鐵站未完 , 果度只係 1 號線 , 再要上上落落一段路先去到 4 號線 , 諗起咁行都發惡夢。
不過呢次坐電梯由地鐵月台上到出閘機時 , 一出電梯 , 咦 ?! 有度靈光既 ?!
原來已經開左條新行人隧道 , 可以直接去到 1 號線同 4 號線 , 唔駛再上上落落 9 萬次。
我開心到心到震埋呀真係
仲要有扶手電梯 , 拎住大型行李都可以行得輕鬆 d。
真係可以去到所有出口。
好喇 , 咁我地繼續出發去酒店 , 而呢間酒店有幾近呢 ?
係 10 號出口上地面就見到 , 真係行都係 20步左右。
對面正正真係首爾站
呢間絕對係細酒店 , 接待處都非常簡陋。
但都有電梯上房間層 , 而一出電梯就要換左拖鞋先。
房間真係唔好有太多要求。(其實佢地有大 size 一點的 , 只係當時太 full 了)
床尾頂廁所
床頭頂牆
床邊企到真係夠兩個人既
雖然咁細細 , 但都叫有毛巾呀 , 沖涼液呀 , 風筒
係冇牙刷者。
原文轉載自: https://wow.esdlife.com/space.php?uid=20275&do=blog&id=313356
