分享返6日5夜行程我地以輕鬆為主～不追行程~雖然每日早上都有人肉morning call不過係開心的,呀仔今次第五次飛喇～有小朋友既你地~快點帶埋佢地出發啦
出到去再坐包車坐1小時50分鐘到酒店，
去到酒店17:00執好行李就行出沙灘玩左陣，
行幾分鐘就到,大大個鹹蛋
黃夜晚call的士出商場晚餐，酒店本身有巴士，一個鐘先得一班，50泰銖一個，我哋有四個大人坐的士200泰銖，所以人多坐的士抵！呢個係親子商場，有個免費遊樂場,呀仔即刻衝過去！
仲有個收費遊樂場，玩下沙玩具咁~跟住食咗呢間恐龍仔韓燒打邊爐，
味道一般般⋯有BB櫈同兒童餐，之後去超級市場掃貨~係出面街TT唱錢1:3.98，匯率同香港只差少少⋯周街都係的士唔怕冇車，都係200泰銖返酒店~超累！香港時間11:00終於可以訓
Day 2:
Centara Grand Mirage酒店自助早餐>洒店泳池>Crab salad aunt Praphai泰菜>酒店遊戲室>Ring Massage &spa>洒店房晚餐
呀仔有內置鬧鐘,7點自動起身⋯酒店自助早餐款式都多，味道0k，地方大乾淨，D食物唔見有烏蠅飛
食飽飽休息一下就去泳池玩
午餐食泰菜，酒店一出向右行到尾轉左就見到間綠色門口，幾分鐘路程，全部細細碟的，味道沒特別一般般⋯5個人食左1025泰銖
，跟住係街邊買左菠蘿仔50泰銖4個！勁甜勁好食,返酒店休息一陣，再落遊戲室玩,三歲以下免費的
大人不用收費正！爺爺奶奶幫手睇住呀仔,我同老公就鼠出去做spa~因為想去個啲全部full哂，行出街是但搵左間平野做，都係頭先食午餐條街，揀左精油按摩300B/1個鐘，
我個手勢麻麻地⋯不過我老公話佢個個唔錯,按完返酒店接仔，佢放哂電呀！秒睡,因為大家好累唔想出去，係酒店叫野食上房食個pizza好好食！其他都唔錯,食左1900B~
Day 3:part1
Centara Grand Mirage酒店自助早餐>SPA SILAVADEE PATTAYA>HARBORLAND>All Seasons steak buffet>蓮姐芒果糯米飯>洒店晚餐Flames
呀仔尋晚晚餐都冇食，直訓左12個鐘,今朝6點起身⋯食完早餐休息一陣，放呀仔去波波池玩,我同老公又鼠出去spa喇~酒店一出向右行到尾轉左行過天堂島就見到，
幾分鐘路程，今次walkin有位，揀咗舒緩按摩1600b/90分鐘，先用青檸水浸腳，跟住沖涼~手勢唔錯！好舒服呀！唔會按到痛跟住按完有生果同熱茶~爽唒！再係街邊買菠蘿食,原來咁甜係浸過糖水
返酒店Call車去Harborland，300b/20分鐘左右車程，呀仔一上車就訓左,去到商埸揀左呢間299b自助餐，啲肉好似平時燒野食個D咁，
一般般⋯跟住去左超市行左陣，
呀仔醒左就上遊樂埸玩,唔記得帶襪，個度買60b一對，不過冇呀仔size，所以落樓下一樓買了BB襪，100b/3對，入到去有BB區，打波，踏車，捐山窿，圖書，畫畫，Sir滑梯樂園！
有小食買，有個爸爸瞓覺房,仲有得沖涼！玩左3個鐘！勁累，出面有的士400b，兜我哋先去買蓮姐芒果糯米飯(約8分鐘車程）再返酒店（有點塞車約半小時車程），返酒店晚餐燒烤自助餐3000b/2大人，啲肉燒到好燶,一般般⋯
蓮姐芒果糯米飯80b一盒好食！芒果好甜
Day 4:part1
Centara Grand Mirage酒店自助早餐>Pattaya Sheep Farm>園內食扒Steak house>酒店遊戲室，沙灘>Rim Talay Seafood Restaurant
酒店早餐款式日日都差不多~冇咩新野食~
食飽出發去餵仔！
入場卷250b，包餵羊仔，睇表演，入去童畫世界！110cm以下免費~如果只睇羊60b，要餵就再比錢買草~入到去見到兔仔，烏龜⋯一堆羊，草泥馬，鹿，有得騎馬，
不過佢地都偏廋同污糟，
可能少人黎冇得好食好住！餵佢地勁肚餓咁~呢度好多影相位同大草地~有個吹氣sir滑梯，同啲小遊戲，同殘舊的遊樂埸，
個童畫世界都係行個圈影下相咁~之後去左佢間餐廳食午餐，叫左個牛排同肉醬意粉改飯,個牛有點un，
個肉醬好食！酸酸地
食飽係草地玩左陣就準備離開~原來有人一路趁你唔覺影左你相,全部影到好醜,呀仔見到爸爸個樣好鐘意唔放，所以買左個相架100b個！
係度玩左兩個鐘,呀仔上車秒睡,訓醒再去玩波波池同沙灘玩沙~跟住食晚餐係沙灘行3分鐘左右就到，
因為出面好多蚊,比400b包左間冷氣房，估唔到有ikea BB椅,食物全部都好食,大大碟！
有西餐，泰菜，海鮮，選擇多,4大1b食左6000b，門口原來有得釣蝦~之後沿住馬路行返酒店約5分鐘~
Day 5:part 1
Centara Grand Mirage酒店自助早餐>酒店泳池>Ronin Japanese Restaurant>酒店spa>酒店晚餐
我地今次行程主要係輕鬆hea下
酒店食完早餐之後去泳池玩
午餐食日本嘢，係酒店正門行出去正面望個條街直行4分鐘左右，有B椅子，
味道係唔錯,呀仔主動食哂碗飯,啲飯好軟熟！鰻魚又淋
啲壽司都好味！不過價錢就略貴⋯4大1小食左4000b，
返到酒店休息一陣，呀仔同奶奶玩波波池,我同老公book左洒店做按摩，終於有位了！
先到更衣室換袍同絲襪底褲,條底底真係超柔軟舒適！讚呀！開始用薑粉洗腳，跟住精油按摩，呢個超爽呀！手勢唔錯,好舒服，唔會按到痛的，按完有杯熱茶,呢個好味,估佢唔到！同有杯士多啤梨乳酪
食完去沖涼,同浸按摩浴池,入面仲有焗桑拿5800b/2人同行價，真係好貴,不過人一世物一世麻,返到去呀仔訓左，所以唔出街了，又係酒店房叫野食,兩個人食左1265b，唔貴同幾好食的！漢堡同pizza
陽光海灘下次再見
#寫出你遊歷 #hutchgo資助旅費1000蚊
