飛河內之前，記得要搞簽證咪你就入唔到境架啦！我嗰陣時1月頭去河內，凍到傻左，溫度大概8-14度左右，所以記得帶多D衫！第一晚就去左河內夜市掃街，但係嗰一帶其實賣衫同埋手信比較多，賣野食既攤檔唔多，但係附近都有好多餐廳，所以係食嗰方面完全唔需要擔心！
第二日晨咁早就出門去陸龍灣！係河內市搭車過去大概要2個鐘多D！第一站去左Dinh and Le Dynasty Temple，認識左一D關於陸龍灣既歷史背景！
之後就到Tam Coc 踩單車，沿路落下車影下相，幾寫意！
跟住就坐左兩個鐘既bamboo boat ride 遊Hoang Long River！幾舒服但係同一時間都真係幾凍！記得帶多D 衫！夜晚就去左Bia Hai Corner，係附近有好多餐廳同埋酒吧！
第三日照早搭的士去左西湖，但係其實西湖只不過係一個超大既湖，唔係太特別，所以唔一定要去睇～
之後去到火車街，影左好多文青相！嗰度唔係太多遊客，所以可以盡情影相！
行左一段路去到St. Joseph’s Cathedral，幾舊但係都幾有特色既～
夜晚就去左河內最出名既景點，還劍湖倒數，氣氛都幾好，同埋有好多人！最估唔到係佢會放煙花～
#寫出你遊歷 #hutchgo資助旅費1000蚊
