香港人去台灣旅行，就等於新界大西北搭車出港島東邊柴灣一樣
台北去得多想轉下環境？
咁你可以考慮一下走高雄玩一轉？
個人認為高雄景點比起台北更吸引，野食更多更平。
唔好睇少呢個城市，lonely planet 2018年選佢為全球最佳旅遊城市第五位！所以你更應該來看看呢個城市有乜咁特別。
- 駁二藝術特區
聽個名都知，又係一個（偽）文青必到的地方
呢度會有不同的藝文展覽舉辦，仲不時有藝術節、大型表演等；Weekend又有handicraft市集呢度可以令你體驗藝術氣息（即係我無個啲），同時又可以搵到台灣local特色手工品。
園區裡面有藝術擺設，絕對係卡拍照的好地方；仲有臨臨種種的特色的手信店，比你瘋狂購買。
- 旗津島
高雄對出有個好大嘅島，佢就係旗津島。前往的方式很簡單，乘渡輪前往就是了。在島上，可以來個單車半天遊。
必定要踩單車到旗津風車公園，面積好大，有廣場又有綠地。呢度有七座具有特色造型的風車，影相一流！
天氣熱的話，仲可以到旗津海水浴場sunbath一下。
- 捷運美麗島站
不用多說了，我未去過高雄之前都已經聽過呢個捷運站幾咁有名。香港同台灣只係一海之隔，點解地鐵站設計可以差咁遠。
- 六合夜市
呢個係高雄最出名的夜市，美麗島站9號或11號出口就到了。
但要注意，晚上6點後先至營業呀。
強烈推薦水餃酸辣湯、串燒烤肉、木瓜牛奶、大腸包小腸…..都係台灣朋友推介的！
- 愛河夜景
食飽之後，不妨同你的愛人一齊到愛河，觀賞呢個愛河夜景吧！
見到呢個景，身邊有你最愛的那位他/她陪伴著你，你就是世上最幸福的人！
- 新崛江商圈
呢度就好似西門町咁熱鬧，想買乜同食乜都有。搭捷運到中央公園站就可到達。由於我實在太中意shopping，我夜晚同日頭都有來到呢度！
旅遊小貼士：
- 香港至高雄每日都有好多班直航機，價錢同飛台北一樣咁抵
- 高雄機場出市區極近極方便，靠捷運搞得掂
- 通常都會連埋南部墾丁一齊玩，可以book車或者同人共乘去呢個陽光與海灘的地方
- 高雄stay三日就應該足夠到所有市區的景點
- hutchgo訂高雄機票同酒店都好抵！成日做promotion
#寫出你遊歷 #hutchgo資助旅費1000蚊
