講起九洲，你會諗起邊度先？應該大部份人都係諗起福岡、鹿兒島呢D地方啦～香港人番日本就好似番鄉下咁，有時番得多都唔想再去呢D大城市，不如去下一D無咁多人嘅地方，食下D最地道嘅野先至係皇道:D
兩個星期之前，臨時買左張香港飛熊本嘅直航機票，乜都唔理咁就出走左～
其實我已經嚟過熊本兩次，所以落機之後無專登喺度留，搭左車出市區，攞左JR Pass，食左碗打麵之後就起行Lu..
極好彩，我即日都可以book到個架由布院之森，個架好靚嘅特急JR！上網睇D人話好難book，要幾日前預約先有，呢次竟然一book即日下午就有，真係正！
沿路去由布院都唔係經過D咩大城市，全部都係鄉下地方，傳統日本嘅屋，仲有好多田，加上藍天白雲，好靚！
搭左咁耐JR，下午5 點幾終於到，落車之後見到呢個景，OMGGGGGGGGG！！！！！
靚到無野可以講！由布院最出名嘅一定係溫泉，所以我都book左間溫泉酒店～可以狂望住座山浸溫泉 Yeah!
第二朝仲有人送早餐上嚟～ 正～
第二朝起身出去又見到咁嘅景，忍唔住影低！
今日下午我就會向山頂進發！但行山之前先去醫肚先，而呢度好多人推介嘅就係呢個釜飯！個人認為好似香港D煲仔飯咁，D飯焦好好食～上面仲鋪滿左呢度嘅豐後牛肉，好好食呀～ 不過有無人可以話我知D前菜係D咩嚟 lol 我食完都唔知咩嚟
食飽之後行番去JR總站搭巴士去由布登山口。無錯，呢個trip真係好養生，去旅行都要行山。上網做research個陣無乜見過人提過可以嚟呢度行山，而去到之後發現行山嘅全部都係local日本人，佢地真係好有禮貌，唔識都係咁同你打照呼～
行完山真係好攰，落山之後就搭車去別府。大家對佢嘅印象係咪得間餐廳呢hahaha 但係呢度出名嘅都係溫泉呀！
第二朝全身都好痛 可能係因為太耐無做運動啦，但其實今日行程都係行山，不過呢次係去睇最近先開番嘅阿穌火山。呢世人都係第一次咁接近火山～可以由別府搭個架阿蘇男孩～！個架又係架好特別嘅特急JR火車嚟！
有機會真係要嚟 好壯觀！
最後送番張係飛機上面影 差唔多land熊本嘅相比大家！
#寫出你遊歷 #hutchgo資助旅費1000蚊
