Day 1：
由香港飛到高雄大概1個鐘30分鐘，所以其實都真係幾快就到達。到達高雄，我地住係獅甲站個頭。唔可以話超方便，但係起碼附近都叫做有便利店，可以買到野食。
Day 2：
第二日照早，我地去左搭大樹假日觀光公車，記得留意返D時間，因為我地應該係啱啱miss 左架車，所以等左大概半個鐘。
我地係高屏舊鐵橋個站度落，入面有人工濕地，天空步道etc. 我覺得上網睇到既相係絕對靚過到時見到既景象。
我地去到既時候，好多樹木都死晒，所以成個地方都好似死氣沈沈咁，都我地預期中既畫面有D 唔同。到左午餐時候，我地去左鳳山區個頭，去左食烤鴨同埋芋圓，along the way 都買左花生湯同埋台式香腸食。食飽飽就去行大東濕地公園，周圍chill 下。
夜晚就到前鎮之星，有條空中單車橋，而佢係24小時營業，所以有興趣可以去玩下！夜晚當然仲去左夢時代，一個超級大型既購物中心。
Day 3：
第三日一起身已經係lunch 時間，就去附近一間餐廳食蛋餅。我地填飽個肚就去左集盒，Kubic。個度有好多彩色貨櫃，好得意，係一個IG 聖地。要留意返佢星期二唔開！
下晝我地去左大魯閣草衙道，去左玩GoKart 同埋星際戰場。呢個地方有好多野玩，都大概take up 半日，但係留意返美個活動都係獨立收費。之後就去左附近既商場食牛肉麵。
夜晚搭公車去明聖街，個度有個淨園農場，而6點後入場好似有折扣，所以我地選擇夜晚去！入面有獅子，Impala etc。
再夜D，我地就去左行勞工夜市-德夜市，每逢禮拜一開。
Day 4：
我地一大早出門去駁二藝術特區大義倉庫群，隔離仲有微熱山丘，係一間鳳梨酥好出名既地方。附近有真愛碼頭，香蕉碼頭，打狗鐵道故事館，中山大學同埋旗津。Lunch 就去左食肉燥飯同埋麻糬。
接住落去左壽山動物園，都幾多動物睇，同埋都唔係好貴。
夜晚行瑞豐夜市，係巨蛋站出，附近有得買牛軋糖同埋豬肉紙。
Day 5：
照早我地搭火車transit 去台南，由高雄站搭到台南站大概1個鐘頭度。我地個民宿就係 West Central District 個頭。之後去左安平古堡，安平老街同埋台江學園。
Day 6：
早餐食左薯餅搭。雖然有D熱氣，但係好推薦！我地第一站去左巴克禮紀念公園，之後去左食黑胡椒鐵板麵。
最後一日我地就不停係正興街掃街買手信，當中買左一D 煎餅。之後仲去左一個IG打卡景點，大扭蛋機貨櫃市集（Gatcha Box）。
Day 7：
一大早就要搭飛機返香港啦，高雄同埋台南，有機會再見啦！
#寫出你遊歷 #hutchgo資助旅費1000蚊
