呢日係 429 … 為左好好記念呢一日….
肥熊就安排左呢日去睇日出 !!!!
所以上一晚…我唔睇波都要早 d 訓…
要睇日出…就要早起身….我地 3點 am 就已經起身換衫梳洗….
而且一早都知道氣溫係相當凍…..都要食 d 野出發….我地選擇左食碗面…
一行出民宿門口….我差 d 想大叫….因為個天一舊雲都冇呀….仲見到個好大既月光…..
即係話今日點都一定見到日出…..
坐果 d 24座小巴…..沿途上山就不停咁有人上…最終又係 full 晒….
一路慢慢上山…因為架車有暖氣….一路都唔覺有幾凍….
半路上我拎左個電話出黎睇下….
google 氣溫顯示為 5 度….
嘩….都未去到目的地都已經 5 度….上到山頂又點呢…
真係不敢想像….
去到算係一個平台既地方….已經見到太陽差不多出黎司機叫我地快 d 去個廁所….10分鐘後再上車…會再車我地去入 d 既地方…
未落車前…我都覺得自己頂到個天氣….點知….行出車3步左右….我已經震過貓王…
WTF ….. 但時間唔多…拿拿林影 d 相先…
之後上車…再開入 d … 山邊 d 既位置….
呢次醒….著番民宿比果件褸…當堂暖晒….
之後拿拿林 set 好腳架….因為見到個太陽好急不及待想凸出黎…
日出既同時….亞月光仲係度….
當然唔少得同個牌照下相…
到出晒黎….跟住就慢慢落山…一路上有 d 所謂景點….架車都會停一停比我地落車影下相…
返到民宿….岩岩 7點半…早餐時間….
又係好好味….我地忍唔住 encore 多一份三文治….
之後返房訓左一陣….就 check out….
民宿本身只包一程車….車我地去農場….
但我問佢地可唔可以車我地去老英格蘭 book 今晚食飯….
佢地話冇問題不凸至….但話放一放低我地係老英格蘭之外…幫我地送 d 行李去呢晚既民宿….
所以不得不讚呢間有環境有服務既民宿….
咁安排晒 d 野….就安心去農場行….
一入去冇耐….已經見到好多羊羊周山跑喇…..
睇唔睇到有人係度 pre-wedding 緊架…
不過 d 羊冇我想像中咁白啦….同 d 毛又好硬…..
行下行下…..話會有馬術表演….
咁就拿拿林去睇…..點知…班人呃飯食既…
我地就繼續自拍….
一路行落山….就食 lunch…
呢間野叫紙箱王…檯檯椅椅….都係用紙皮做….
味道都唔錯架….但就比較貴左 少少….
跟手沿馬路落山….其實都幾危險….因為冇咩行人路….
不過順手買左少少好得意既手信….應該係清境先有…因為之後去到台中市都唔見…
行左大半 hr 先去到我地第2晚既民宿…..
我地呢 d 冇錢去芬蘭….就係呢度扮姆明…住樹屋……
其實都幾可愛架….
入面都好骨子……不過呢….冇冷氣冇風扇….
要打開 d 窗先扯風….但周圍咁多樹…就會有好多飛飛….
啤啤就怕….所以唔比打開窗…只可以開氣窗….
床上面又有天窗….但唔可以打開…只可以睇風景…
仲有個天台架…不過呢….暫時唔開至…因為怕唔知飛左 d 咩入黎… then 肥熊成晚就坐天光…
因為太早起身….又行左咁耐山…..我地係度睇下電視咁 hea 到 食晚飯…
入去呢個老英格蘭要出面 d 職員帶你先可以入去….其實都幾煩….
不過入到去…又真係好靚…..
晚餐 set 得 4 個主菜揀 (好似係)…仲有一個素 set ….
d 職員又好好禮貌咁問你要 d 咩….又一道道菜咁慢慢上….
可能我 book 位果陣要求有 d 好少少既景位坐….算係坐左出面窗邊既一排檯….
唔係坐入面大廳咁多人咁嘈…所以又真係幾舒服….
由 6點半..食到 8 點幾…又返民宿休息了…..
原文轉載自: https://wow.esdlife.com/space.php?uid=20275&do=blog&id=144982
