由香港飛到去鹿兒島嘅第一晚就去咗 Amu Plaza 行街。嗰個商場應該係成個鹿兒島最大嘅商場，仲要係年中無休。上面仲有個摩天輪，如果你得閒可以坐下 haha～
第二照就搭火車去鹿兒島平川動物公園（Hirakawa zoo）。由天文館4號巴士站搭大概50分鐘巴士就到。巴士車費大概440元，小童就半價。動物園都值得去，係一個好適合細路仔嘅景點，幾休閒，入面有長頸鹿，鴕鳥，企鵝，河馬，犀牛，黑豹，北極熊，袋鼠等等。入場費大人500元，小朋友就100元，大概逗留2-3個鐘就行暈成個動物園。園入面有穿梭巴士，比你好清楚咁睇晒咁多隻動物。我就覺得呢度啲動物比起海洋公園就多好多，同埋都真係幾好行，所以可以帶埋一家大細去睇下都幾好！
去完動物園，唔夠候，去咗鹿兒島水族館。個館大概有5層，仲分咗幾個區，當中包括海中生物，淡水生物同埋互動體驗區。你會有機會可以碰到啲海洋生物。另外，仲有戶外海豚表演，訓練員指揮佢地跳，玩球同埋游背泳，好可愛。
去到霧島神宮，氣氛好安靜，同埋散發一種正能量。呢個神宮無入場費同埋開放時間，所以你幾時過去都得，年中無休。
夜晚就去咗屋台村，散發住濃厚嘅日式大排檔氣氛，同埋係呢個地方都會見到唔少本地人係呢度聚。呢度有好多唔同小店，可以令你食到好飽。如果你想去日本掃街嘅話，呢個地方就一定要去啦！入面有好多款嘅日本菜，例如餃子，拉麵，串燒同埋大阪燒。
第三日就去咗鹿兒島最出名嘅櫻島。其實如果你比較多時間留係鹿兒島嘅話，可以係櫻島上面住。櫻島其實係一個活火山，雖然有試過爆發幾次，但係都算係安全嘅。係鹿兒島可以搭渡輪過去櫻島，班次就要記得留意返啦！由碼頭開始行就會經過一個足湯區，一路睇靚景，好寫意。係櫻島行行下都大半日，返去鹿兒島市嘅時候都就黎夜晚。
夜晚就去咗Dolphin Port，係錦江灣隔離，可以同時影到海景同埋櫻島個活火山。呢度都幾多野食，例如由日本餐廳同埋cafe，一定唔會餓襯你！
第四日照早係照國神社，係呢區最大嘅神社。係天文館電車站行過去都係5分鐘嘅事。
之後去咗城山，大概離天文館10分鐘距離，同埋如果要行晒成個山大概要用一個鐘度。呢個山嘅最高點就係佢嘅展望台，可以睇到晒成個鹿兒島市同埋櫻島，係一個影相嘅好地方。
太陽伯伯就快落山，我地就去咗天文館，係鹿兒島最大嘅購物地區。嗰度有好多餐廳，藥房，名牌同埋手信。附近都有大型百貨公司，例如Maruya Gardens 同埋山形屋。Maruya Gardens 啲嘢就比較後生啲，會啱年輕人去。
最後一日我地去咗仙巖園，係世界文化遺產。係嗰度好似一個世外桃源咁，係擁有日本庭園嘅風格，建築嘅結構好特別，好靚。
好可惜，要飛返香港lu～
#寫出你遊歷 #hutchgo資助旅費1000蚊
