好多人話帶年細仔女去旅行係件苦事,
一來佢地咁細唔會記得, 二來真係要帶好多野,
但對我黎講係開心事, 非常簡單,
睇見佢地快樂, 我更快樂!!!
家姐差不多2歲時, 我地帶佢去滑雪團,
無錯係滑雪團, 即5日有3日係雪場個啲,
團友們都話我地好大膽咁細個帶佢去,
到而家家姐仍然記得佢去過滑雪
家姐第二次旅行係3歲幾, 我地揀佐比較岩佢玩的新加坡,
仲去埋LEGOLAND, 到而家問家姐想去邊到旅行,
佢係答新加坡同LEGOLAND, 好証明到佢係好鍾意
第三次離港, 細佬出世5個月仲細, 呢次近近地, 同朋友一齊去澳門2日1夜,
主打係酒店玩, 只係出過去食自助餐, 全程都係酒店入面
同BB 或小朋友去旅行有咩注意
証件:
基本上離港的話, 睇地區啦,
基本上出入香港境 PASSPORT 搭身份証
返國內就加回鄉証,
申請特區護照時會同時申請埋身份証,
點解要一齊用, 理由好簡單, 因為身份証無相,
而PASSPORT 上有相, 但過得1年, 已經完全唔同晒樣
所以兒童PASSPORT 5年就要換一次
預算用品:
**衣帽鞋襪必備, 仲要帶多定2至3套不時之需
**奶樽尿片, 就要睇返小朋友有無需要,
長短途同地區都係考慮帶幾多野之一,
如果講緊去亞洲區自由行, 尿片其實可以唔駛帶太多,
可以到當地先買一包黎用, 但反之, 跟團去郊區, 帶多好過唔夠用
**食水, 小朋友腸胃唔太好, 建議帶定啲去, 溝住黎飲,
家姐去韓國時, 我地都有帶2支, 結果羅黎就咁飲晒
**應急葯物, 出門前去睇醫生預備啲傷風, 肚痛, 止嘔退燒葯
BB車:
BB 車我覺得5歲以下小朋友, 都必要帶埋一齊去旅行,
因為佢地訓佐要抱佢地好甘, 倒不如羅部車去推下袋都好
基本上航空公司都可以幫乘客將BB車寄倉,
可選擇係行李寄存時一齊寄, 但絶對唔建議,
寄完倉起碼仲有成個幾2個鐘先上得機, 唔好搵自己黎玩,
只要寄倉時同靚靚空姐講會有BB 車寄倉,
佢地會比相關用品你, 例如係航班標貼, 大膠袋,
到上機閘門前先交比空姐, 咁你落機無耐, 就可以用返部車,
唔駛去到輸送帶先羅得返
另外一提, 有啲地方機場人員, 會先安排有BB車家庭優先上機,
如果你無車無跟住你, 你就享用唔到呢個優待啦!!
飛機上:
訂機票時一定再同航空公司確認有訂到兒童或嬰兒飛機餐,
唔係你比O既機票錢就蝕佐啲啦!
**小禮包, 以我所知, 航空公司會有準備小禮包比嬰兒同小朋友,
點解, 機程裡面可以比佢地解下悶, 唔好影響左右隔離
酒店:
訂酒店時要通知佢地有小朋友或嬰兒同行,
可能要求DOUBLE BED 唔要TWINS BED, 方便一齊訓,
嬰兒床多數都會可以準備到, 有啲酒店好到連STEAMER 都有,
要睇返酒店方便配套
上次去澳門, 只係2日一夜, 我無特別帶野去消毒套PARTS,
只係用完用滾水沖下(我一向都係一日洗一次PARTS)
方便之計, 可以自己洗下酒店個電熱水煲,
落支裝水, 煲滾水後放落去沉返5分鐘,
應該做到基本消毒, 又唔駛帶太多野去旅行
太擔心媽媽們, 可以買微波爐袋去消毒
以上只係我個人經驗得出的, 一定更多媽媽有其他更好及更多的好貼士
最緊要PLAN 個以佢地為主較多的行程, 咁樣就大人小朋友都開心晒啦!
原文轉載自: https://wow.esdlife.com/space.php?uid=62614&do=blog&id=320310
