真係無諗過得4日假期我會去咗日本，但見有平機票班機時間又靚，足足玩到三日，一於黎個快閃自駕四國之旅！睇番d自由行blog, 好多都係教大家搭JR, 原來唔多自駕遊四國，不過今次由於時間有限，唯有只揀高松縣、德島縣及淡路島啦！
第一天: 到步、shopping、酒店
落機後梗係第一時間去攞車啦，所有租車公司喺埋一齊，所以好容易搵，仲會專車車到取車地方辦手續，非常順利及方便，好快就攞到車啦！
已經大約兩點幾，梗係搵個地方醫肚啦，只係離機場約20分鐘車程嘅 Aeon Mall 綾川店，有足夠泊車位，商場乜都有：買、食、玩… 最緊要有超級市場可以掃下飲品、薯片同手信先啦，今晚喺酒店都有得食下！
一到步揀咗間迴轉壽司食，日本食迴轉壽司重點係可以狂食咁唔洗睇價錢，因為一定比起香港嗰d又抵又新鮮又好味！
揸得車就係想去邊就去邊，唔知大家有無覺得日本嘅酒店如果係近市區或車站，位置方便嘅就一定細到連開個行李都有困難！所以我揀咗一間位置喺屋島要上山嘅酒店，房間頗大，環境寧靜、清幽、靚景（雖然我嗰兩日係落雨矇查查) ! 日式早餐都很豐富呢！
第二天: 金刀比羅宮、丸亀城公園
第二天早上就直駛去金刀比羅宮，時間充裕的話，真的要試下到烏冬學校整讚技烏冬！真係一個好好嘅體驗，有得食、有得玩、有得跳、仲有得拎，只係JPY1620，整埋食埋大約1.5小時，但記得預先上網預約，參觀金刀比羅宮之餘，增添多點樂趣！
只要上網一查金刀比羅宮，已經有很多關於佢嘅歷史及介紹，重點都係講緊嗰1368 級樓梯先到頂！很多報導都話慢慢睇下周圍嘅景色及商店，不覺辛苦，好快就到！但我呢個懶人，似乎到頂同我有一段距離，我只去到唔知有無一半嘅「旭社」 就回頭了，哈哈！
旭社
沿途紅葉處處，好靚
因為冬天嘅四國，基本上個天下5點就開始黑，6點前就黑晒，唯有抓緊時間去多個景點，去咗丸亀城公園，有免費停車場在公園對面，好清晰指示，重點係入公園唔洗錢的，只係上城樓才要入城費, 在公園已經睇到周圍嘅靚景，所以都唔洗上去了！跟著快快食多個讚技烏冬做晚餐，回程返酒店了！當然咁早就食飯，梗係要喺超市買d嘢食做宵夜啦！
丸亀城
第三天: 鳴門大橋、德島市、淡路島
第三天離開香川縣之前都去多個景點 – 玉藻公園(高松城跡)，泊車免費，但一入公園就要付入場費JPY200, 不過都值回票價，公園裡真的十分古色古香，好有日本feel, 好靚！
跟著趕快的向德島縣淡路島口嘅 鳴門大橋公園及渦の道出發，因要駕駛個多小時，去到後都已經要食中午飯了，當然要試下那個好出名嘅鯛魚飯！這個鯛魚飯都算係有魚味，不過不失，但其實一點都不平宜，要JPY1900
鯛魚飯
其實周圍都已經可以望到個海，見到海面嘅起伏（當然唔係好清楚咁見到船渦），不過我一心都冇諗住行渦の道，只係出面望下都可以了，周圍環境比起個海浪更吸引呢！
鳴門大橋
黎到德島縣，就是要去德島市食碗出名嘅德島拉麵吧！自己在外面買票，再入內坐！因為不是吃飯時間，所以人不多！日本拉麵無論邊度都咁好食又抵食，正！
食完麵都要趕著去酒店，今次住南淡路，諗住自己有車，又訂咗間要上山嘅酒店，揸山路大約20分鐘，好似唔係好遠，但條路好黑，好似揸咗好耐咁，但總算有驚無險（其實本來唔知道咁入）! 選這間酒店因爲佢有溫泉（澡堂）浸個溫泉好舒服呢！食完嘢，浸番個靚溫泉，爽！
第四天: 大門嗚橋紀念館之洋蔥漢堡
話咁快到第四日了，慢慢食個自助早餐，心情都靚d! 日本人永遠都係好好禮儀嘅文族，職員會在停車場一邊靜待你離開，一直揮手道別直至你駛出車場，佩服、佩服！
回機埸前爭取多一個境點 – 大門嗚橋紀念館，但重點唔係佢，而係有一間好出名及攞獎嘅洋蔥漢堡! 剛剛食完早餐，真係食唔落，但唔緊要，因為嗰度有一個好大的洋蔥給遊客打卡啊!
另一有趣之處，佢有一部夾洋蔥機! 入面全部都係洋蔥!! 好得意啊!!
夾洋蔥機
短短幾天都覺得好充實，好玩，好舒服！四國，我會再來架！
#寫出你遊歷 #hutchgo資助旅費1000蚊
