前言
假期唔長嘅話可以嚟過新加坡快閃嘅自由行！喺新加坡自由行好容易，特別受親子歡迎，無論係咩年紀，新加坡旅遊都可以10分盡興！快啲睇下我點樣去玩轉新加坡啦！
第一日
一大早就上咗飛機，所以大概朝頭早11點就到左樟宜機場，係辦好左手續之後，就急不及待咁搭地鐵到Bugid（冇吉士）附近嘅酒店，放低啲行李先！由於午餐要到我哋買好咗呢幾日要嘅門票之後先食，路程有啲趕，就隨便喺美食街嗰邊叫咗個福建蝦面食，都係$5新幣咋，不過就好好食好有鑊氣。
鍾意睇大自然嘅人，梗係要學我一樣去flower dome la,呢度係世界最大嘅植物冷室，裏面10分清涼，亦都仲住咗好多珍奇古怪嘅花，睇到我哋10分開心
因為新加坡都幾熱，我哋喺度坐左好耐睇咗好耐，喺唔同嘅角度欣賞下呢啲植物。我哋都把握時間，俾錢去咗OCBC空中步道，喺上面欣賞五光十色的燈光表演之餘亦都可以睇到側邊嘅摩天輪，金沙酒店等等。呢度空中步道嘅地板都係透明嘅，睇到我哋標晒冷汗，所以畏高嘅人要小心啊！
跟住去隔離嘅霧林，行咗下佢哋嘅紀念品店，亦都睇到出邊有個好大嘅室內瀑布，企喺上面全部都比雲霧包圍住，而呢度係模仿緊一個高山森林嘅環境，真係感覺到自己好似太細一樣充滿住大地氣息
我哋跟住上咗觀景台，但係發現呢度好多人，所以影咗一張相就俾人迫走左啦。呢度真係10分壯觀！本來可以睇下呢個全世界最大嘅無邊際泳池，不過原來係呢個觀景台都睇唔到另外一邊嘅泳池，有啲可惜
今朝起得太早啦，所以我哋都諗住早啲返酒店休息。間房雖然唔算大，但麻雀雖小五藏俱全，而且間房10分有設計感，所以都休息得好舒服
第二日
今日嘅行程好豐富！一大早就先嚟到亞坤食多士加咖農鄉嘅咖啡，仲記得嗰隻半熟蛋正宗嘅食法，係加豉油同埋胡椒粉，然後再點啲多士食！
我哋行咗一陣街邊，就見到遊客逐漸逐漸咁樣行過一個地方，原來係麥士威熟食中心，入邊大多數都係華人經營嘅攤檔，大部份都可以用廣東話點菜添。雖然入面冇冷氣，但通風唔錯，唔會太悶熱。
啊！原來個個都熱捧嘅天天海南雞飯，就係呢度啦！由於我哋比較早去到，所以排隊嘅人唔多，平常普遍就係一入到熟食中心都要等20 30分鐘嘅，我哋排咗5分鐘就買到啦！呢個香雞飯好平，普通嘅3.5新幣，雞髀飯就係4.2新幣，仲有黃瓜同埋啲秘製辣椒漿添！食完之後覺得雞肉10分好滑，雞肉多汁完全唔會乾，返應該係加咗啲雞油去煮，所以食落都非常之濃郁嘅雞味。其實除咗天天海南雞飯，老伴豆花，珍珍粥品，金華魚片米粉等都好受大家歡迎，有機會絕對要帶一家大細嚟試一試啦！
好好安撫左個肚之後，就坐咗去聖淘沙嘅啦。聖淘沙入面有好多個大區，有環球影城，都賭場，水上樂園等等嘅地方都好值得參觀。我唔諗住去環球影城玩，就直接去咗海洋館！
S.E.A. 海洋館係全世界最大規模嘅一個水族館，裏面嘅海洋生物種類十分多，甚至可以講話匯聚咗世界各地唔同海洋佢會嘅生物。呢度仲係人造沙灘得閒嘅真係可以黎逛個上下晝
夜晚我哋就有去睇呢個海上匯演，睇完都八點幾啦，把握時間去老巴剎熟食中心食晚餐！呢個熟食中心主要係做晚市同埋宵夜，最有名嘅沙嗲串，真係又平又好食！大家一定要黎試！如果唔鍾意沙爹串，仲有好多唔同中式或者南洋食品，例如喇沙，炒粿條，福建蝦面等等等等，絕對唔會令你失望架！
第三日
一起身就黎搭呢個名勝快車，由牛車水到動物園，單程六新幣，就免左轉車嘅煩惱啦。有啲人覺得係外地旅行去動物園係有啲傻，但呢個新加坡動物園，絕對係值得參觀嘅地方！有細路嘅話，呢個更加係一個親子值得去嘅好地方！
原來入面有好多動植物，我就唔介紹咁多啦睇一睇相先。動物園裏邊有好多好玩好睇嘅，不過真係走啦好攰啦，於是就上咗四點半直達克拉碼頭嘅車。
跟著到松發肉骨茶試吓新加坡食嘅骨茶啦，聽講呢度係好老字號嘅，鼎鼎有名嘅老店。店內環境有啲迫，不過嘢食好食就梗係㗎啦，所以我都唔介意！呢個肉骨茶大概係七新幣，有龍骨，魚片，豬肚湯任君選擇。肉骨茶啲牌個相當稔，食起嚟有濃濃嘅胡椒味，完全符合我嘅口味啊！
食完都已經係夜晚啦，到克拉碼頭嗰邊行下啦！呢度嘅景好靚，吹氣個風都好涼，不過如果你都仲係覺得熱，可以試吓新加坡傳統街頭小食，三文治夾雪糕。
第四日
朝頭早食完早餐之後，就黎到阿拉伯的哈之巷。呢個色彩繽紛嘅小巷喺新加坡嘅潮流，有唔少自家嘅品牌，仲有咖啡廳同埋酒吧，甚至有水煙可以食添！
幾乎每間店都會把外牆有食唔同嘅顏色，所以成條街都睇起嚟色彩繽紛，令人好興奮！店主仲會喺外邊放唔同嘅藝術設計，令成條街都好有玩味，因此成為拍照嘅聖地！
由於我係朝早過嚟嘅，所以好多店都未開，不過咁啱俾我撞到一間好好食嘅印度餐廳，大家可以一試！呢個印度羊肉煎餅，價錢大概係新幣$5左右，另外都叫咗杯印度奶茶，煎餅嘅份量幾大，而且都10分好食架！外邊嘅皮脆，同埋羊肉係冇蘇媚之餘，都仲有特製嘅醬料，同埋洋蔥。食起嚟一啲都唔會乾，雖然重口味，佢個咖喱汁10分無敵！後尾返屋企查咗一查，原來呢間店十分之有名㗎，好受當地嘅回教徒同埋遊客歡迎， 10分推薦！
跟住就沿着海濱行，呢度風景優美，開見到金沙酒店等等嘅地方。慢慢行，攰左就飲杯咖啡。
老實講，呢度風景好靚，但係人就多咗啲！
結語
我哋嘅飛機係凌晨所以都要準備執嘢，喺摩天輪廣場隔離食咗個晚餐，就返酒店攞行李出發到樟宜機場啦。其實早出嚟樟宜機場都唔緊要，呢度有好多好食好玩好買嘅，買啲手信食個宵夜再相機啦。樟宜機場好似連續幾年都蟬聯左全球最佳機場，睇起嚟感覺似個大型商場多啲。入面有花園，按摩椅，電影中心，娛樂中心等地方。真係要來一試！ ！ ！
#寫出你遊歷 #hutchgo資助旅費1000蚊
