哈哈! 你無睇錯，我也無打錯，今年8月我和老公用左4日3夜快閃大阪同福岡！
話說我和老公每年的假期有限(相信也是香港好多打工仔的情況吧 ^^|||)，但我地兩個都未去過大阪和福崗，又兩度都想去，所以就大膽買下Open jaw 的機票，一於來過2天大阪，2天福崗的自由行! 出發前我地做左好多資料搜集，發現網上幾乎沒有四天遊兩地的快閃行程，既然機票已買，假期已劃好，去就去啦 ^o^
DAY 0+1
時間有限，我地當然選搭紅眼機，咁一落機就可以去玩啦!
出機場時，先買山陰&山陽JR PASS ，咁就去邊都方便! (格個價，跟我這個行程買PASS最抵)
酒店方面，我地住係大阪站附近，咁又可以慳返D時間去玩
CHECK-IN 酒店後，我地都好肚餓，於是去左黑門市場醫下個肚仔先
黑門市場入面的食店多到花多眼亂，最後食左超肥美的吞拿魚，多到瀉的即開海膽同埋鮮甜多汁的蜜瓜
之後就去心齋橋掃街同去大阪站附近的商場血拼!
貪心的我們重去左大阪城公園朝聖! 行到出曬汗! (也可選搭公園內的付費車仔)
又食又買又行話咁快就到黃昏時間，終於來到第一日的重點行程—–伊丹市花火大會^O^ 在日本全國，每逢夏天在不同地方都會舉行花火大會，出發前我地花左好多時間，終於在日本網站找到相關資料!
點火式歷時一個小時，好狀觀好有氣氛!
不少當地人穿著浴衣赴會，好似卡通片咁!
場內有過百的小食和遊戲攤檔，好不熱鬧! (有機會一定要去一次火花大會呀)
Day 2
第2天一早起床，乘JR到京東，半個鐘就到
來到京都，最期待就是和老公手拖住手，漫遊古城啦!
這幾天天氣十分好，點影都好靚，可全身也不停流汗呀! (怕熱的人，就避免夏天來日本啦) 清水寺仍維修中，唯有下次再訪。
中午，我們到一早預約好的餐廳吃懷石料理，環境清幽，食物精緻。
可惜時間不夠，未有時間到鴨川試一試納涼床籵理，唯有在對岸影影相，享受美景啦!
兩日大阪之旅結束，晚上坐JR 前往博多啦~~~
臨上JR前當然買些食物上車食啦~~
DAY 3
來到福岡，我老公話一定要自駕去熊本同熊本熊朝聖，幸好一早在網上做定功課，發現熊本熊都幾勤力，暑假期間幾乎天天返公司辦公呀 (早上/下午各一場)!
我地10:30am 到達Kumamon Square，已經有好多fans到左等偶像啦! (地方不大，記得早到，不然人太多會暫停入場呀)
11:00am準時開始，雖然全程以日語旁述，但單看熊本熊的動作，已笑到停唔到啦! 熊本熊臨走前會和小朋友來個近距離接觸，當然大朋友都可出去道別啦!
下午，我們出發到阿蘇火山，因為之前發生的大地震（希望唔好再發生呀⋯⋯），阿蘇火山的觀光纜車也一直停駛自今，幸而最近開放了自駕通道，讓遊客可再一次與阿蘇火山面對面。
(出發前記得上網Check下阿蘇火山的開放情況，免得白行一趟)
上阿蘇火山的行車路，靚到要停下來欣賞!
由於偶有硫磺味，建議帶定濕紙巾有需要時掩口鼻。
晚上前往柳川市吃鰻魚飯(聽聞全國最好吃的鰻魚飯都集中於此)，傳統的鰻魚飯原來是蒸呀! 好肥美!
由於已經入夜，吃完飯就回博多啦!
下次要早些來，行下柳川市，影下相。
DAY 4
不經不覺來到第4日，亦是行程的最後一日，由於只得數小時，當然是盡情買手信回港啦 ^O^
最後血拚!
後記：雖然大阪福岡兩地遊只有4天，行程比較急趕，但能對兩地都有基本的認識，為下次深度旅程作了預演。
同時，又可以滿足我和老公的願望，一次過參加花火大會、探熊本熊、登阿蘇火山^O^
希望這一篇獨家遊記能為你地 (特別係假期唔多的打工仔^O^) 帶來一點點靈感啦!!
期待下一次旅程啊!!
#寫出你遊歷 #hutchgo資助旅費1000蚊
