今次泰國曼谷之旅，因為行程上冇台灣咁岩小朋友去，所以一次過打一篇總結算
聖誕出發去旅行, 係機場仲見到幸晴最愛既聖誕樹(佢真係乜都鍾意=.=’…)
最岩幸晴既行程，就係每日係酒店游水，所以我地專登揀左一間有泳池既酒店 NOVOTEL BANGKOK PLOENCHIT SUKHUMVIT，一黎有泳池，二黎佢就係正 BTS PHLOEN CHIT站樓下，返酒店絕對方便，三黎酒店附近有shopping mall (10分鐘路程內), 懶得去其他地方都可以直接去shopping mall 個food court (EATHAI) 食飯
酒店除左有泳池，有gym room, 亦係Lobby位置有個kids area, 雖然唔大，但勝在有先丫！
而酒店早餐亦都有好多選擇，有米粉，有生果，有炒蛋，有粥，幸晴每朝都一齊食早餐，食得多過大人添，哈哈
酒店亦都有免費生日蛋糕送俾我地同行既朋友(要事前用電郵問佢), 之後去到再confirm多次時間(員工英文好，係聽得明既英文，唔係泰式英文黎架！) ， 我地仲搞gag叫佢寫泰文生日快樂…..XDD, 不過聽聞個蛋糕好睇唔好食
講完酒店，講下今次個重點環節 safari world, 曼谷最大既動物園，動物園分兩邊，一邊係坐車睇猛獸，但主要猛獸係老虎，其他係山羊，駱駝等比較馴既動物
幸晴大概睇左十五分鐘，之後就坐低食提子乾
睇完猛獸，就去睇動物表演，有猩猩，大象，海豚等show, 每個show 只有一場，D show 好值得睇，每個都好精彩！睇完呢三個show 都返歸啦，始終有小朋友廢事留太長時間
除左睇表演，仲可以餵長頸鹿食香蕉，幸晴係餵上癮架！
因為由市區去動物園都要搭45分鐘車(塞車上黎分分鐘成個鐘以上!), 再加上上網做搜集既時候, 見到有人話走既時候好難CALL 的士! 唔怕一萬最怕萬一, 我地最後都係JOIN TOUR去, 除左酒店接送, 包動物園門票, 仲會包埋動物園內自助餐做LUNCH, 不過老老實實, 食物質素真係麻麻…..最好味既係香蕉……..啊啊! 因為係JOIN TOUR, 所以我地係直接坐旅行社部車入去睇猛獸架! 講到”TOUR”, 其實我地4大1B佢係比架10人車我地PRIVATE TOUR, 唔駛同其他唔識既人夾架! 最正既係架車大, 我地遊猛獸區時左右兩邊都可以隨時轉過去睇, 價錢方面啦喎, 咁就緊係貴少少啦! 6000baht折實後為5800Baht, 包4大人既門票同野食(baby唔駛錢), 除返開每人港幣3百零蚊! 都算玩得過呀!!!
另外友人去左煮泰菜, 不過我地帶住幸晴廢事去, 本身諗住同佢去水族館, 點知條友仔游完早水沖完涼, 就自己訓著左, 仲訓到中午…..友人都差唔多返黎……所以最後我地只係o係水族館門外影相…….不過幸晴都已經好開心啦!!!
另一齋影唔幫襯既仲有熊啤啤餐廳, 係曼谷有好多間分店, 我地酒店附近果個shopping mall 都有, 所以幾乎每日都比佢同啤啤say hello, 同講”沙哇dee卡”, 幸晴聽到我地講“沙哇dee卡”, 佢係識雙手拍掌架! 不過只限泰國肯做, 返到香港講極都唔肯做, 搞到冇人信我地佢真係識”沙哇dee卡”…..佢真係識架, 佢叻到逗掂左泰仔, 係最後機場DUTY FREE度, 泰仔送左玩具比佢架……XDDD
不過泰國係唔興有育嬰室架! 就連換片既地方都唔係度度有, 仲要多數只係女廁有…….係香港寵慣晒既我地其實係有少少唔慣架…..不過幸好我地酒店夠方便, 所以每完成一個景點都可以返去換一換片/休息一陣先再去其他地方, 所以我地唯一有換過片既地方已經係回程係曼谷機場換, 事關阿囡大人開大….唔換唔得…..XDDD
原文轉載自: https://wow.esdlife.com/space.php?uid=63794&do=blog&id=292181
