#寫出你遊歷 #hutchgo資助旅費1000蚊
DAY 1
香港去峇里要坐五個鐘頭機，所以去到當地就已經係夜晚了。之後再搭車去烏布(Ubud)。由於去到我地住既地方已經係夜晚既八點多，所以我地就決定食完晚餐就早少少番去訓教，以迎接之後幾日既旅程。
DAY 2
我地住果個地方係好接近郊區，所以早上大概6點多就會有雞啼叫，所以我地一家都好早就起左身。我地住呢度其實好便宜(三人每晚HKD$160蚊)，好驚喜地知道原來佢係包埋早餐的，而且賣相不差，食落仲覺得好refresh。
第一站，我地就去左猴子森林(Monkey forest)，入到去沿路行都會見倒好多好高既樹，仲有既就係見倒小馬嬲周圍行同跳，十分趣緻。
第二站，我地就去左德哥拉梯田 (Tegalalang rice terrance)，而我地係呢度都做左水魚，睇梯田記住係唔需要買任何門票的，是免費入場的，千萬不要像我們一樣被騙(被司機騙，帶左我地去買門票)，三人加埋比左HKD$200，好肉痛，其實都證明當地人係十分不誠實，見倒遊客，係佢地眼中都係水魚。最令人無奈既係呢個梯田未免太過商業化了，梯田係一層一層的，但佢每一層都會企左個人係度話要收donation，無比錢就唔比通過，所以如果大家想去睇梯田，似乎德哥拉梯田唔係一個好既選擇，因為就算你幾精明都好，係呢度都會淪落為水魚。但言歸正傳，梯田望落確實係震撼。
DAY 3
第3日我地去左睇孟杜克瀑布同去左睇巴杜火山。
有不少遊客冒著生命危險繼續往下行。
DAY 4
第四日離開烏布之前，去左烏布市集行行，發現呢度所賣既野同泰國都係大同小異，而且價格比泰國貴一倍，要買野就一定要講價，由六折講起，因為佢地見係遊客，都會將個價抬到好高。行完烏布市集後，就搭bluebird (Bluebird taxi 係當地較為信譽高的公司，跟meter計費)出發去庫德(Kuta)。去到都係行下附近既市集，到左黃昏，我地就去左Kuta Beach睇日落。Kuta的黃昏十分醉人啊!
DAY 5 最後一天
出發去金巴蘭，目標係金巴蘭海灘。去到比想像中少遊客，但可以寧靜地係此處休息一天。
總括而言，峇里島係一個適合放空既地方。當地人日常生活節奏慢，所以我地都被潛移默化地手腳都放慢去relax，身心都得以放鬆! 人一生確實係要去一次。
