黎到東歐獨自旅行，發覺原來波羅的海三國既遊記實在好有限…
但愈少人識既地方，先係遠離煩囂同最值得去呀！
立陶宛既首都係維爾紐斯，面積唔算好大，大概一個下晝已經行得晒。
重點反而係一個名叫特拉凱既小島，離首都半個鐘路程。
前往方法：
由立陶宛首都維爾紐斯出發，去巴士總站買往特拉凱(Trakų)既車票，然後去28號月台上車，搭半個鐘頭就到特拉凱。落車之後沿右邊一路行，就會見到沿途指示去特拉凱古堡架喇～
小提示：
行去特拉凱古堡途中會見到一間名叫「iki」既超市，大家可以係度買乾糧補給 係特拉凱野餐都係一個唔錯既選擇呀～！
行完超市再沿路行，會見到路邊有一排排五顏六色既木屋，係呢度標誌性既建築。
只要你見到呢排木屋，就代表你無行錯路喇XD！
終於行到特拉凱島外圍喇！
遠眺特拉凱島，望見一個個小艇緩媛走過，配上周邊家庭樂歡笑聲，身臨其境真係深深比呢度吸引住，完全唔想走呀！
每次遊艇經過都會忍唔住禁快門捕捉呢個完美構圖
旁邊都有唔少大人細路落水玩同埋划艇架！
而我頭先係超市買返黎既乾糧就大派用場喇！
即刻搵個草地坐低野餐，慢慢享受呢個遠離煩囂既世外桃源！
野完餐之後，周邊仲有雪糕賣2歐一球，真係好平～差啲忍唔到手買多一球！哈哈！
填飽個肚之後就起行去特拉凱古堡嚕！
因為正值假期，所以都有幾多人架！
可惜當日撞正古堡維修期間暫停開放，所以無緣入去堡內參觀喇:(…
不過最特別既係成個trip真係無見過華人～
更加覺得呢個地方真係本地人先會特登黎既景點，好難得呀！
回程果陣見到街頭表演噴畫，簡直係鬼斧神工！都有唔少途人爭住買佢既作品架～
回程返去首都維爾紐斯繼續發崛立陶宛～
行過大街小巷，仲保留住東歐中世紀既韻味～
可以參考吓維爾紐斯離其他國家城市距離幾遠
行到維爾紐斯山頂仲可以飽覽成個首都
夜景亦都相當迷人～
立陶宛短短一日之旅就咁就完結嚕！
不過波羅的海三國仲有好多地方比大家發崛架～
所以大家經過東歐可以不妨考慮黎短暫停留，探索呢個咁迷人既國家啊！
#寫出你遊歷 #hutchgo資助旅費1000蚊
