貝加爾湖

位於俄羅斯西伯利亞嘅南部，貝加爾湖係冬季最佳欣賞嘅景點！每年嘅一月會開始結冰，一開始係冰水混合，亦都係湖面浮着啲碎冰。到一月嘅中下旬，湖面開始結成冰，甚至可以通車，呢個亦都係點解湖面開始上面有車會行過。我哋有機會見到咁奇妙嘅景觀，前提係我面上面要有足夠嘅積雪。好好彩，呢個冬天嘅聽講係135年來最大一降雪，所以冰面完完全全比大雪覆蓋。

伊爾庫次克

呢座東西伯利亞第二大嘅城市，距離貝加爾湖只有70公里咁遠，因此呢度都理所當然成為左黎玩貝加爾湖嘅聚集地。個城只有80萬人，但係呢個大細係我始料未及嘅，你會覺得呢度好大好大，有酒店出嚟玩至少都要半個鐘頭嘅時間，你完全分唔清自己喺邊度，只係會感嘆點解我仲未走出呢個城市！

點行都行唔出座城！！真係好大好大。。。

喀山主教座堂

嚟到呢個城市嘅第一站，導遊就帶我地直接去到呢間教堂啦，應該係覺得呢個最靚掛！其實，第一眼見到呢幢紅色嘅外牆搭配藍色尖頂嘅東正教堂，覺得好似童話裏面城堡一樣，好靚！但係當你睇到第二眼，你就會覺得呢座教堂嘅外觀其實太新，好似一個玩具咁樣，少咗歷史嘅滄桑感，反而會覺得有啲唐突！大家自己睇一睇，睇吓咪好似我咁諗啦！

看久啲，覺得藍同紅好似又有一啲唔太夾～

但入面就真係好靚嘅，嗰種金碧輝煌嘅燈飾，加上嗰種壁畫嘅襯托，成間房都好有格調！唔講以為，呢一座係宮殿，而唔係一個教堂！

斯納門斯基修道院

導遊話呢度係西伯利亞最古老嘅修道院之一，修道院門前有塊草地，亦都係好多名人嘅墓地。呢坐建築，望落其實外觀就比較樸素，但係裏面有壯觀嘅壁畫，甚至仲有俱金棺。大家睇下呢裏邊，真係有嗰種神聖嘅味道，一齊體會下啦！

同樣！入面比我的反差感實在是太大啦，好華麗

基洛夫廣場

呢度係離我哋嘅酒店唔遠嘅地方，行路呢就大概10分鐘左右。而呢個廣場係號稱呢個城市嘅發祥地，亦都係州政府嘅地方。隔離有三個大教堂，再行多幾步呢就一個凱旋門，企喺橋都仲可以眺望成個河邊嘅景色添！

慘烈嘅戰爭拆散左無數嘅家庭，俄羅斯人呢人到而家都好掛念嗰啲戰爭烈士嘅，所以就成日都可以見到成雙成對嘅年輕人，嚟到呢度結婚定下銘誓。所以呢度燃燒着永不滅色嘅明火，為咗戰爭同埋和平牽出人生命嘅人，佢哋嘅功勛同埋靈魂都永垂不朽。

李斯特維揚卡小鎮

呢個小鎮係安卡拉河同埋貝加爾湖嘅交界處，來到貝加爾湖旅遊嘅遊客一定會以呢度為目的地，因為呢度可以玩啲冰上項目，例如雪橇同埋冰常滑梯等等啦。呢個小鎮係貝加爾湖隔離位一人工開發嘅小鎮，其實就得一條主街嘅啫，嗰邊就一個市集嚟嘅，有幾間小餐館咁。因為每一日都好多人喺度，想搵一個位坐都要等一陣㗎！

主要就係食俄羅斯熱辣辣嘅紅菜湯，同埋燒豬肉咁樣啦。啲嘢食都幾好食架，係咁凍嘅天氣食啲咁熱嘅嘢，不過呢啲肉姐嗰啲煙燻嘅味道同埋都幾鹹！不過海鮮就幾推薦的！

我哋喺呢度留一大半日，但係真係好凍，大家記得要着多啲呀！水上面有一層霧，我諗係因為水嘅溫度比較高掛，睇睇下發現湖水真係幾藍，應該幾乾淨水質極好！

奧爾洪島

我哋終於嚟到貝加爾湖嘅面啦，我哋駕車一路沿着北行，兩邊就係遼闊嘅大草原，導遊話呢度夏天就非常之靚，綠綠嘅草原，同冬天嘅白海即係有啲分別架！

坐左五個鐘頭車我哋終於嚟到貝加爾湖，而島上嘅交通工具基本上就係俄羅斯嘅麵包越野車，因為佢實在係太強悍啦！因為嗰啲路好難行，成地都係碎石同埋障礙物，所以，架車都成日銀下銀下～

其實去到呢度只係可以睇藍冰，呢藍冰就可以大概分為兩種，一種呢就係碎冰喺湖景完全凍着嗰陣堆積左係表面度，不規則咁樣露出來，藍色嘅好靚！更加靚嘅呢就係喺石隔離比湖水不斷拍打着，形成左一啲冰口，亦都係藍色嘅嘢！呢個時候你行一個洞入面去睇，視覺效果會更加震撼㗎 ！

我個人最鍾意一定是呢種，好似一粒粒外星來的寶石！似唔似空間寶石呢！！！

好多人話，嚟到貝加爾湖睇一個咁樣嘅雪景同埋冰湖，會唔會太長，唔係咁化算呢？其實唔係啦，我想講時間真係太短，喺呢度嘅美麗係需要等待，亦需要運氣，更加需要嘅係耐心。不妨花多幾日時間，喺寒冬，係貝加爾湖發掘下一下呢個美麗嘅白色世界，欣賞下大自然零下之美啦！

#寫出你遊歷 #hutchgo資助旅費1000蚊