去外國旅行 朝早起身梗係要有個地道嘅早餐先係good morning啦！
究竟新加坡人早餐會食啲咩嘅呢？等阿坤話比你知啦！
或者你會話吓好普通啫咪又係烚蛋多士同奶茶香港周街茶餐廳都有啦！
無錯食材又真係幾普通嘅但你有無諗過配搭新加坡式食法原來又會有驚喜呢？
而圖入面一個是又點只係得牛油咁簡單呢 其實呢塊係牛油加央多士嚟架
加央係東南亞盛產嘅醬料 成份主要係斑蘭或者椰子 配搭牛油多士甜甜地又有淡淡嘅椰香味
呢個味道係香港唔係咁易搵到㗎！
至於碟雞蛋 原來新加坡人鍾意食半生熟蛋 比著我哋香港人最多咪吉爆個蛋黃當係溫泉蛋咁食囉
但係新加坡最地道正宗嘅食法係 吉爆個蛋黃之餘 原來仲會撈埋豉油同埋落胡椒粉㗎
雖然咁樣食啲雞蛋會變到好液體 睇落好似好生咁
但冇諗過原來落咗豉油同胡椒粉之後 鹹鹹地咁又幾特別喎！
最後就係杯奶茶 唔知大家有冇聽過馬來西亞嘅拉茶呢 佢就好似香港嘅茶走咁 用煉奶取代淡奶同糖 乳糖味重好多
配上當地茶葉沖開嘅拉茶大家不妨一試丫 香港嘅茶走係無凍飲 但係呢度嘅拉茶凍飲又幾特別幾好飲架！
食飽之後係時候開展旅程嚕！
坐地鐵去到Raffles Place去到Merlion Park 梗係要黎打一打卡啦！
然後沿住海邊Esplanade慢慢散吓步感受吓呢個繁忙都市嘅海邊
天氣咁熱買杯雪糕消吓暑就最好不過啦！
再繼續行去Marina Bay Sands可以穿去Gardens by the Bay 打卡必遊勝地 
不過我地選擇入夜之後會再返黎睇夜景～
行完Gardens by the Bay都開始肚餓啦 又係時候搵地方食野充飢！
面對樣樣新加坡美食都想試既我 即刻諗到要去Food Court試勻好西啦！
搭去China Town站再去Maxwell good center個food court尋找美食！
天天海南雞飯沙嗲肉串炒粿條而家睇返啲相都流晒口水呀！
食完之後返左陣酒店休息一陣 天黑之後再返返去Gardens by the Bay睇夜景 呢個景真係好令人陶醉！
行完之後我地選擇左去試新加坡正宗嘅松發肉骨茶
真係一試難忘！
茶底好香胡椒味 令中藥味唔會太濃 而且豬骨肉嫩 餸飯真係好好食啊 湯底仲要係任加架！
最後我飲左4碗先肯埋單 哈哈！
食飽晚飯之後 去新加坡必試體驗：夜間動物園Night Safari
世界上面都好少聽到有夜間動物園 園內可以坐車周圍遊覽 仲會有語音導賞 介紹各種動物
但因為光線太暗 所以都唔係好影到啲動物:(
另一樣必去嘅就係園內嘅動物表演Animal Show～
表演入面佢地會介紹園內比較特別嘅動物 同大家上一堂生物課
仲可以近距離接觸到唔同動物 包括貓頭鷹同埋蟒蛇添！
你又夠唔夠膽上台挑戰近距離接觸蟒蛇呀？
最後我地坐夜晚機離開新加坡 當然唔少得入樟宜機場嘅Plaza Premium Lounge啦！
最令我驚喜嘅地方係 呢度嘅Plaza Premium Lounge食物選擇相當豐富
廚師即製有海南雞飯 叻沙之餘 竟然仲會有三文魚手卷 非常高質！
當然都會有迷你自助餐 有溫泉蛋 薯蓉同薄餅食啦！
但整體而言比起香港嘅Plaza Premium真係豐富好多！
所以大家黎呢度轉機果陣 記住一定要帶埋相應嘅信用卡黎拜訪呢度嘅Plaza Premium呀！
#寫出你遊歷#hutchgo資助旅費1000蚊
