玩大阪京都奈良神戶玩到悶？想試下去日本其他地方？我有好介紹！
關西除左呢幾個地方，伊勢、熊野、和歌山都好靚好多野睇
你要嘅係一張去關西機場嘅機票同埋JR Pass 😀
円月島日落係白濱其中之一個著名景點，睇日落同影相就岩哂。
白良濱沙質極好，但可惜我哋去個陣係冬天，所以無得落水玩
如果夏天嚟呢度，一定好正。
喺海灘附近仲可以有溫泉池浸腳，吹住海風，但腳底係暖嘅，都正
和歌山縣最壯觀嘅海岸自然景觀: 三段壁。
千疊敷係巨岩被海浪沖刷成一塊大面積嘅岩地，離落就好似幾千張榻榻米堆疊而成。
TORETORE市場係西日本最大嘅海鮮市場。
可以即場order海鮮煮嚟食，市場裡面仲有個地方比你坐低食
食材都係當天捕到嘅新鮮魚類，性價比唔錯，我哋中餐都喺呢度解決
食完仲可以喺度購買限定手信
和歌山最出名嘅梅子喺呢度也係應有盡有
熊野本宮大社
伊勢神宮
伊勢神宮係祭祀日本神話中天照大神嘅國家神社，日本神道教最神聖古老嘅神道場所。
伊勢神宮分為內宮、外宮；內宮祭有太陽神——天照大御神，外宮祭有專司食物嘅豐收大御神。
#寫出你遊歷 #hutchgo資助旅費1000蚊
