沖繩親子5天遊
11/02/2019 in 五日四夜, 套票, 日本, 沖繩
#寫出你遊歷
#hutchgo資助旅費1000蚊
沖繩係一個遊閒又好啱同小朋友嚟既地方，
雖然沖繩主要都係夏天去玩水上活動，
但其實冬天都同樣好多野玩既~
Day 1
->沖繩世界文化王國玉泉洞
今次係自駕遊所以自由度比較大
沖繩世界文化王國‧玉泉洞
玉泉洞，裡面結合了王國村、鐘乳石玉泉洞、毒蛇博物館三大區域。
玉泉洞係沖繩有名景點之一，我一直都好想去嫁，
所以行程都排了去看看那裡超壯觀的鐘乳石洞。
玉泉洞內比較熱同濕，妹妹又驚驚地，要我地快快地行完就出來了。
文化王國到有DIY可以自行比錢參加，我地行下睇下就走。
玉泉洞+文化王國行了大約行了1.5小時。
Day2
->美麗海水族館+免費海豚體驗+海洋博公園
->古宇利海洋塔
->八重岳櫻花
一早9:30到美麗海水族館
一早報左名參加摸海豚體驗，先到海洋劇場到報到
報到完10:15再集合
見仲有時間行埋海牛館和海龜館
海豚體驗小朋友同大人都同樣開心,
今日所有參加者都係外國人,
有國語職員做翻譯講解,
(免費海豚接觸體驗 – 沖繩美麗海水族館)
限定活動: 星期六/日或公眾假期
體驗分為:
1) 講座 – 講解海豚分類和身體結構
2) 餵養，訓練經驗，觸摸海豚等
體驗完時間剛好,可以睇埋海洋劇場。
小朋友要求到海洋博公園玩繩網
玩完後到水族館參觀(大約行了2小時)
去到沖繩水族館一定唔可以錯過有世界第二大的水槽—黑潮之海
食飽LUNCH出發到去到古宇利大橋見到風景好靚呢~
去到古宇利海洋塔,坐海洋塔電車
塔入面有貝殼館
行完貝殼館再上塔頂(勁大風)
影完相極速落返去。
見仲有時間就出發去八重岳看櫻花
仲有少量檔口買野食
Day 3
->萬座毛
->orion啤酒廠
->名護動植物公園
->名護菠蘿園
->okinawa水果樂園
朝早已經落雨,當時仲考慮去唔去萬座毛,
老公話反正都順路就去埋啦。
去到見到大風又微雨,老公加仔女都唔落車,
我為有做勇士沖去影返幾張相啦
Orion啤酒廠有免費導賞團
建議先到官網登記參加
一入登記處就見到創業時期的糖化槽！
(參觀時間約35分鐘+試飲時間20分鐘)
Orion歷史及各種口味的啤酒
唔識日文都唔緊要，工作人員會比本中文導賞資料你睇。
ORION啤酒製造過程:
原料、輾碎 -> 釀造-> 發酵 -> 貯酒、過濾 -> 裝瓶
一分鐘可以生產出咁多啤酒
參觀完可以免費試飲新鮮 ORION 啤酒，每人兩杯
駕駛人士不能飲酒，會獲發呢款印章
駕駛人士或未成年人士（２０歲以下）則可選一杯不含酒精飲品(都有5款選擇)。
每人仲有1包送酒花生
食完行就行去隔離買返少少ORION特產
參觀啤酒廠後見無雨就即刻去名護動植物公園
d雀係周圍走,可以近距離餵動物
仔女每人買了1包糧餵動物
雀仔見到有野食就跟住來,阿女又要驚又要餵
再去菠蘿園同隔離的水果樂園。
仔女去菠蘿園無乜特野都係坐下菠蘿車。
隻菠蘿園歌都好洗腦,阿女勁鍾意聽。
坐完菠蘿車之後就可以係園區都行
菠蘿園入面都有個少少既貝殼館，
行完就過隔離既水果樂園
去到水果樂園要做任務
解開機關同有解謎遊戲
救出水果國王
收集蓋印,2個玩得好開心。
除左有水果仲有動物睇,
可惜我地去時都有雨所以只在園內玩
無行到室外地方呢!
Day 4
->黑糖工廠
->宜野灣round 1
今朝都係落雨,落宜野灣順路去埋黑糖工廠
去到門口有製黑糖過程參觀
入去就係買黑糖
再到round 1玩3個鍾
我地入左場後每人有條手帶，
如果無特別消費都唔需要再加$
4-7樓都可以去玩
我地主要玩左5,6樓，都好多野玩
大人小朋友都啱玩
一D都唔會悶
而且地方室內為主，落雨去就啱晒
真係可以玩足一日
我地玩到13:20倒走人，點知…
職員又送左4張夾公仔卷+4張(每張換10個代幣卷)+1個影貼紙相卷代幣。
Day 5
由於11:25機,8:30 am就由酒店行去單軌站
坐單軌到機場
5天行話咁快就結束
